പരസ്യ മദ്യപാനം ചോദ്യം ചെയ്തതിനു മർദ്ദനം രണ്ടു പേർക്കെതിരെ കേസ് -

Spread the love

ശ്രീകണ്ഠാപുരം: പരസ്യ മദ്യപാനം ചോദ്യം ചെയ്തതിന് യുവാവിനെയും സുഹൃത്തിനെയും ഭീഷണിപ്പെടുത്തി കത്തി കൊണ്ട്ആക്രമിക്കുകയും വാഹനം തല്ലി തകർക്കുകയും ചെയ്തുവെന്ന പരാതിയിൽ രണ്ടു പേർക്കെതിരെ പോലീസ് കേസെടുത്തു. നിടിയേങ്ങ പെരും പറമ്പിലെ യു.കെ. സജിത്തിൻ്റെ (28) പരാതിയിലാണ് പെരും പറമ്പിലെ സരീഷ്, രാജേഷ് എന്നിവർക്കെതിരെ പോലീസ് കേസെടുത്തത്. 8 ന് രാത്രി 11.50 മണിക്ക് പെരുംപറമ്പ് വെച്ചാണ് സംഭവം. പരസ്യ മദ്യപാനം ചോദ്യം ചെയ്ത വിരോധത്തിൽ പരാതിക്കാരനെയും സുഹൃത്തിനെയും തടഞ്ഞുവെച്ച് ഭീഷണിപ്പെടുത്തുകയും മർദ്ദിക്കുകയും രണ്ടാം പ്രതി പരാതിക്കാരനെ കത്തി കൊണ്ട് പരിക്കേൽപ്പിച്ചും ബുള്ളറ്റ് തല്ലി തകർക്കുകയും ചെയ്തു. തുടർന്ന് പോലീസിൽ പരാതി നൽകി. 30000 രൂപയുടെ നഷ്‌ടംസംഭവിച്ചുവെന്ന പരാതിയിൽ കേസെടുത്ത പോലീസ് അന്വേഷണം തുടങ്ങി.