പ്രതിശ്രുത വരൻ വിവാഹ ദിവസം വീട്ടിനുള്ളിൽ തൂങ്ങിമരിച്ച നിലയിൽ
ചക്കരക്കൽ: വിവാഹം നടക്കേണ്ടുന്ന ദിവസം പ്രതിശ്രുത വരനെ കിടപ്പുമുറിയിൽ മരിച്ച നിലയിൽ കണ്ടെത്തി. ഏച്ചൂർ മാവിലാച്ചാൽ ‘നാരായണീയ’ത്തിൽ എ. ഷബിൻ (29) ആണ് വീട്ടിലെ കിടപ്പുമുറിയിലെ ബാത്റൂമിൽ തൂങ്ങിമരിച്ചത്. തിങ്കളാഴ്ച പുലർച്ചെ 5.30 മണിയോടെയാണ് നാടിനെ ഒന്നാകെ നടുക്കിയ ഈ ദാരുണ സംഭവം പുറത്തറിയുന്നത്.
ജമ്മു കാശ്മീരിൽ എസ്.എസ്.ബി (സശാസ്ത്ര സീമ ബൽ – ബോർഡർ പോലീസ്) ജവാനായിരുന്നു ഷബിൻ. ഇന്ന് വെള്ളച്ചാൽ സ്വദേശിനിയുമായി യുവാവിന്റെ വിവാഹം നടക്കേണ്ടിയിരുന്നതാണ്. വിവാഹച്ചടങ്ങുകൾക്കായി വീടും നാടും ബന്ധുക്കളും ഒരുങ്ങിനിൽക്കെയാണ് അപ്രതീക്ഷിതമായി ഈ വിയോഗ വാർത്തയെത്തുന്നത്.
ഭരതന്റെയും ഷീബയുടെയും മകനാണ് ഷബിൻ. അബിഷയാണ് സഹോദരി. വിവരമറിഞ്ഞ് ചക്കരക്കൽ പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി.
About The Author
