കർഷക സംഘംകലക്ടറേറ്റ് മാർച്ച് 49 പേർക്കെതിരെ കേസ്
കണ്ണൂർ: ബഫർ സോണുകളായി പ്രഖ്യാപിച്ച വില്ലേജുകളെ ഒഴിവാക്കണമെന്ന് ആവശ്യപ്പെട്ട് കലക്ടറേറ്റ് മാർച്ച് നടത്തി കോമ്പൗണ്ടിലേക്ക് അതിക്രമിച്ചു കയറി പൊതുജനങ്ങൾക്കും ഓഫീസ് ജീവനക്കാർക്കും മാർഗ്ഗ തടസ്സവും ശല്യവും സൃഷ്ടിച്ച നേതാക്കൾ ഉൾപ്പെടെ49 കർഷക സംഘം പ്രവർത്തകർക്കെതിരെ ടൗൺ പോലീസ് കേസെടുത്തു. നേതാക്കളായപി.ശശി, കർഷക സംഘം സ്റ്റേറ്റ് ജോയിൻ്റ് സെക്രട്ടറി എം. പ്രകാശൻ മാസ്റ്റർ, വൈസ് പ്രസിഡണ്ട് എൻ പി സക്കീന, ജില്ലാ സെക്രട്ടറി എം.സി. പവിത്രൻ,ട്രഷറർ പി. ഗോവിന്ദൻ, സി എച്ച്. പ്രദീപ് കുമാർ ചെറുകുന്ന്, എം.വി ചന്ദ്രൻ മട്ടന്നൂർ, രമേശൻ അഞ്ചരക്കണ്ടി, ചെറുവാഞ്ചേരിയിലെ അശോകൻ എന്നിവർക്കും മറ്റ് കണ്ടാലറിയാവുന്ന 40 പേർക്കുമെതിരെയാണ് ടൗൺ പോലീസ് കേസെടുത്തത്. ഇന്നലെ രാവിലെ 10.45 മണിയോടെയാണ് കണ്ണൂർ ജില്ലാ കമ്മിറ്റിയുടെ നേതൃത്വത്തിൽ കലക്ടറേറ്റിലേക്ക്മാർച്ച് നടത്തിയത്.
About The Author
