സി.പി.എം. വെട്ടിപ്പുകൾ അന്വേഷിക്കണം: അഡ്വ. കരീം ചേലേരി
കഴിഞ്ഞ പത്ത് വർഷകാലത്തെ ഭരണത്തിൻ്റെ മറവിൽ സി.പി.എമ്മിൻ്റെ നേതൃത്വത്തിൽ കണ്ണൂരിൽ നടന്ന എല്ലാ വെട്ടിപ്പുകളെ കുറിച്ചും അതിൽ ജനപ്രതിനിധികളടക്കമുള്ളവരടക്കമുള്ളവരുടെ പങ്കാളിത്തത്തെ കുറിച്ചും സമഗ്രമായ അന്വേഷണം നടത്തണമെന്ന് മുസ്ലിം ലീഗ് ജില്ലാ പ്രസിഡണ്ട് അഡ്വ. അബ്ദുൽ കരീം ചേലേരി ആവശ്യപ്പെട്ടു.
ന്യൂനപക്ഷ സമുദായത്തിൽ പെട്ട മുസ്ലിംകളുടെ വിശ്വാസപരമായ കാര്യം മുതലാക്കി നടത്തിയ ഹലാൽ ഫായിദ നിക്ഷേപ തട്ടിപ്പ്, പാവപ്പെട്ട കുടുംബിനികളെ വഞ്ചിച്ചു നടത്തിയ പാതി വില തട്ടിപ്പ്, തളിപ്പറമ്പ് എം.എൽ.എ ഹാപ്പിനസ്സ് ഫെസ്റ്റിൻ്റെ പേരിൽ നടത്തിയ അഴിമതി, ബീച്ച് ടൂറിസത്തിൻ്റെ മറവിൽ അഴീക്കോട് ചാൽ ബീച്ചിൽ നക്ഷത്ര സൊസൈറ്റിയുടെ മറവിൽ നടത്തിയ വെട്ടി പ്പുൾപ്പെടെ എല്ലാ തട്ടിപ്പിനെ കുറിച്ചും അതിൽ എം.എൽ.എമാരുടെ പങ്കാളിത്തത്തെ കുറിച്ചും അന്വേഷിക്കണം.
ഹലാൽ ഫായിദ നിക്ഷേപത്തിൽ പണം നൽകിയ പരാതി പരാതിക്കാരന് വെട്ടിപ്പ് പുറത്ത് വന്ന ദിവസം തന്നെ ഒരു ലക്ഷം രൂപ തിരിച്ചു നൽകിയെന്നാണ് മനസ്സിലാക്കുന്നത്. പൂട്ടിപ്പോയ കമ്പനിയിൽ നിന്ന് ഒരു ലക്ഷം രൂപ ക്യാഷായി തിരിച്ചു നൽകിയത് ആരാണെന്നും അതിൻ്റെ സ്രോതസ്സ് ഏതാണെന്നും ബന്ധപ്പെട്ടവർ വ്യക്തമാക്കണം. ഇതൊക്കെ അന്വേഷണ പരിധിയിൽ വരണമെന്നും കരീം ചേലേരി ആവശ്യപ്പെട്ടു
About The Author
