ക്ഷേത്രവഴിപാട് കൗണ്ടറും,ഫണ്ട് ഉദ്ഘാടനവും നടന്നു
പഴയങ്ങാടി:മാടായി ശ്രീ വടുകുന്ദ ശിവക്ഷേത്രത്തിൽ, കർക്കടകം 30 ന് (ആഗസ്റ്റ് 15)അഷ്ട ദ്രവ്യ മഹാഗണപതി ഹോമം, മഹാമൃത്യുഞ്ജയ ഹോമം ,കുടുംബ ഐശ്വര്യപൂജ എന്നിവയുടെ മുന്നോടിയായുള്ള ഫണ്ട് ഉദ്ഘാടനവും, വഴിപാട് കൗണ്ടറിന്റെയും ഉദ്ഘാടനം ക്ഷേത്ര സന്നിധിയിൽനടന്നു. വഴിപാട്കൗണ്ടർ ഉദ്ഘാടനം മലബാർ ദേവസ്വം ബോർഡ് തലശ്ശേരി ഏരിയ കമ്മിറ്റി മുൻ പ്രസിഡണ്ട് എം.പി. ഉണ്ണികൃഷ്ണൻ നിർവ്വഹിച്ചു. ചടങ്ങിൽ ക്ഷേത്രസമിതി പ്രസിഡണ്ട് സുധീർ വെങ്ങര അധ്യക്ഷനായി. ഫണ്ട് ഉദ്ഘാടനം ക്ഷേത്രം മേൽശാന്തി ഹരിനമ്പൂതിരി നിർവ്വഹിച്ചു. നമ്പ്രാടത്ത് ഭാസ്കരൻ , ഐ.വി. ദിനേശൻ ,പി. വി. മോഹനൻ എന്നിവർ ആദ്യ സംഭാവനനൽകി. ക്ഷേത്രസമിതി സെക്രട്ടറി ടി വി കുഞ്ഞിരാമൻ , ക്ഷേത്രം മാനേജർ കെ വി നന്ദനൻ , വി .വി .മുരളീധരൻ , സതീഷ് വെങ്ങര എന്നിവർ പ്രസംഗിച്ചു കെ.വി. അജിത് കുമാർ , ടി.അയ്യപ്പൻ, നമ്പ്രോൻമാധവൻ, കൂടച്ചീരി ശ്രീജിത്ത്, കൂടച്ചീരി മധു ,കുപ്പത്തി ചന്ദ്രൻ , ജനാർദ്ദനൻ കെ വി എന്നിവർ പങ്കെടുത്തു.
About The Author
