തിരുവനന്തപുരത്ത് ഇ.ഡി വാഹനങ്ങൾക്ക് നേരെ അതിക്രമം: ഡ്രൈവർക്കും പോലീസിനും പരിക്ക്; ഡൽഹിയിൽ എം.എ. ബേബി അടക്കമുള്ള നേതാക്കൾ കസ്റ്റഡിയിൽ
Screenshot
തിരുവനന്തപുരം: മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയന്റെ തിരുവനന്തപുരത്തെ വസതിയിൽ പരിശോധന പൂർത്തിയാക്കി മടങ്ങിയ എൻഫോഴ്സ്മെന്റ് ഡയറക്ടറേറ്റ് (ഇ.ഡി) ഉദ്യോഗസ്ഥർക്കും വാഹനങ്ങൾക്കും നേരെ സി.പി.ഐ.എം – എസ്.എഫ്.ഐ പ്രവർത്തകർ നടത്തിയ ആക്രമണത്തിൽ ഡ്രൈവർക്കും പോലീസ് ഉദ്യോഗസ്ഥനും പരിക്ക്. അക്രമത്തിൽ വാഹനത്തിന്റെ ചില്ല് തകർന്നതിനെ തുടർന്ന് ഇ.ഡി വാഹനത്തിന്റെ ഡ്രൈവർക്ക് കണ്ണിന് സാരമായ പരിക്കേൽക്കുകയും കൈയ്ക്ക് പൊട്ടൽ സംഭവിക്കുകയും ചെയ്തിട്ടുണ്ട്. നെറ്റിക്ക് മുറിവേറ്റ ഒരു പോലീസ് ഉദ്യോഗസ്ഥനെയും പരിക്കേറ്റ ഡ്രൈവറെയും തിരുവനന്തപുരം ജനറൽ ആശുപത്രിയിൽ പ്രവേശിപ്പിച്ചു.
ആക്രമണത്തെത്തുടർന്ന് സിറ്റി പോലീസ് കമ്മീഷണർ കെ. കാർത്തികേയന്റെ നേതൃത്വത്തിൽ നഗരത്തിൽ വ്യാപകമായ അറസ്റ്റ് നടപടികൾ ആരംഭിച്ചിട്ടുണ്ട്. ബേക്കറി ജംഗ്ഷനിൽ വെച്ച് പോലീസുമായി ഏറ്റുമുട്ടിയ എസ്.എഫ്.ഐ പ്രവർത്തകർ നിലവിൽ പാളയം ഏരിയ കമ്മിറ്റി ഓഫീസിനുള്ളിൽ അഭയം തേടിയിരിക്കുകയാണ്.
ഡൽഹിയിൽ മുതിർന്ന നേതാക്കളെ കസ്റ്റഡിയിലെടുത്തു
അതേസമയം, റെയ്ഡിൽ പ്രതിഷേധിച്ച് ഡൽഹിയിൽ എൻഫോഴ്സ്മെന്റ് ഡയറക്ടറേറ്റ് ആസ്ഥാനത്തേക്ക് സി.പി.ഐ.എം സംഘടിപ്പിച്ച മാർച്ചിൽ വൻ നാടകീയ രംഗങ്ങൾ അരങ്ങേറി. മാർച്ചിൽ പങ്കെടുത്ത പാർട്ടി ജനറൽ സെക്രട്ടറി എം.എ. ബേബി ഉൾപ്പെടെയുള്ള മുതിർന്ന നേതാക്കളെ ഡൽഹി പോലീസ് ബലം പ്രയോഗിച്ച് കസ്റ്റഡിയിലെടുത്തു.
About The Author
