‘കവിതയുടെ ചൂണ്ടുവിരൽ’ പ്രമേയമാക്കി എടക്കാട് സാഹിത്യവേദി; കവി അദ്വൈത് എസ്. പവിത്രനെ ആദരിച്ചു
എടക്കാട്: എടക്കാട് സാഹിത്യവേദിയുടെ എഴുപത്തിരണ്ടാം പ്രതിമാസ സാഹിത്യസദസ്സ് ശ്രദ്ധേയമായി. ‘കവിതയുടെ ചൂണ്ടുവിരൽ’ എന്ന വിഷയത്തിൽ കവി പ്രസാദ് കൂടാളി മുഖ്യപ്രഭാഷണം നടത്തി. ഒ.എം. രാമകൃഷ്ണൻ അധ്യക്ഷത വഹിച്ച ചടങ്ങിൽ ടി.വി. വിശ്വനാഥൻ, കെ.വി. ജയരാജൻ, പി.വി. പ്രേമവല്ലി, രേഖ സതീശ് എന്നിവർ സംസാരിച്ചു.
മലയാളം ബിരുദ പരീക്ഷയിൽ ഉന്നത വിജയം കരസ്ഥമാക്കിയ യുവകവി അദ്വൈത് എസ്. പവിത്രനെ ടി.കെ.ഡി. മുഴപ്പിലങ്ങാട് ചടങ്ങിൽ വെച്ച് അനുമോദിച്ചു.
തുടർന്ന് നടന്ന കവിതാ വായനയിൽ മൃദുല വി.എം., ദിവ്യ കെ. ഏച്ചൂർ, യു.പി. പ്രകാശൻ, എം.കെ. മറിയു, സന്തോഷ് എൻ.പി. മുഴപ്പിലങ്ങാട്, രൂപ രാജേന്ദ്രൻ, കെ. ഉണ്ണികൃഷ്ണൻ, തുഷാര കെ., സി. ഗിരീശൻ, സതീശൻ, അദ്വൈത് എന്നിവർ തങ്ങളുടെ രചനകൾ അവതരിപ്പിച്ചു. സതീശൻ മോറായി സ്വാഗതം പറഞ്ഞു.
About The Author
