യുവതിയെ ഹെൽമെറ്റ് കൊണ്ട് മർദ്ദിച്ച മൂന്നു പേർക്കെതിരെ കേസ്
നീലേശ്വരം:ജോലി കഴിഞ്ഞ് സ്കൂട്ടിയിൽ സുഹൃത്തിനൊപ്പം വീട്ടിലേക്ക് പോകുകയായിരുന്ന യുവതിയെ തടഞ്ഞുനിർത്തി കൈകൊണ്ടും യുവതിയുടെ കയ്യിലുണ്ടായിരുന്ന ഹെൽമെറ്റുകൊണ്ടും മർദ്ദിച്ചുവെന്ന പരാതിയിൽ മൂന്നു സ്ത്രീകൾക്കെതിരെ നീലേശ്വരം പോലീസ് കേസെടുത്തു. കരിന്തളം കക്കോൽ സ്വദേശിനി എം പി ശ്രീജ (41) യുടെ പരാതിയിലാണ് ഷൈനി, പത്മാവതി, നാരായണികൃഷ്ണൻ എന്നിവർക്കെതിരെ പോലീസ് കേസെടുത്തത്.26 ന് വൈകുന്നേരം ആറുമണിക്ക് കരിന്തളം കക്കോലിൽ വെച്ചാണ് സംഭവം. പ്രതികളുടെ ബന്ധുവിനോട് പരാതിക്കാരിക്ക് അടുപ്പമുള്ള വിരോധം വെച്ചായിരുന്നു മർദ്ദിച്ചത്. പരാതിയിൽ കേസെടുത്ത പോലീസ് അന്വേഷണം തുടങ്ങി.
About The Author
