LATEST UPDATES
കണ്ണൂർ ജില്ലയിലെ വാർത്തകൾക്കും പരസ്യങ്ങൾക്കും ബന്ധപ്പെടുക: +91 70120 89571      |      നിങ്ങളുടെ പ്രദേശത്തെ വാർത്തകൾ അതിവേഗം അറിയാൻ കണ്ണൂർ വാർത്തകൾ ഡോട്ട് ഇൻ സന്ദർശിക്കൂ...      |      വാർത്തകൾ അയക്കാൻ വാട്സാപ്പ് ചെയ്യുക: +91 70120 89571
November 19, 2026

കഴിഞ്ഞ 14 വർഷമായി സി.പി.എം. നേതൃത്വത്തിനെതിരേ കെട്ടിപ്പൊക്കിയ ഗൂഢാലോചനക്കേസാണ് കോടതി വിധിയിലൂടെ പൊളിഞ്ഞുവീണതെന്ന് സി.പി.എം. കണ്ണൂർ ജില്ലാ സെക്രട്ടറി കെ.കെ. രാഗേഷ്

0
Screenshot

Screenshot

Spread the love

കണ്ണൂർ: കഴിഞ്ഞ 14 വർഷമായി സി.പി.എം. നേതൃത്വത്തിനെതിരേ കെട്ടിപ്പൊക്കിയ ഗൂഢാലോചനക്കേസാണ് കോടതി വിധിയിലൂടെ പൊളിഞ്ഞുവീണതെന്ന് സി.പി.എം. കണ്ണൂർ ജില്ലാ സെക്രട്ടറി കെ.കെ. രാഗേഷ്. പാർട്ടി നേതാക്കളായ പി. ജയരാജനെയും ടി.വി. രാജേഷിനെയും വേട്ടയാടാനാണ് ഇത്രയുംകാലം ശ്രമിച്ചത്. 14 വർഷമായി വേവിച്ചെടുത്ത െപരുംനുണയാണ് പൊളിഞ്ഞുവീണതെന്നും അദ്ദേഹം പറഞ്ഞു. അരിയിൽ ഷുക്കൂർ വധക്കേസിലെ കോടതിവിധിക്കു പിന്നാലെയാണ് രാഗേഷിന്റെ പ്രതികരണം.

2012-ൽ അക്രമ വാർത്തയറിഞ്ഞ് പ്രദേശം സന്ദർശിക്കാൻ പോയ പി. ജയരാജനെയും കൂട്ടരെയും ആക്രമിക്കുകയും തുടർന്ന് സഹകരണ ആശുപത്രിയിൽ ചികിത്സയിൽ കഴിഞ്ഞിരുന്ന സമയത്ത് ഗൂഢാലോചന നടത്തിയെന്ന് വരുത്തിത്തീർക്കാൻ രണ്ട് കള്ള സാക്ഷികളെ ഉണ്ടാക്കുകയുമായിരുന്നു. ആർ.എസ്.എസ്. ആക്രമണത്തിൽ ദേഹമാസകലം വെട്ടേറ്റ പി. ജയരാജൻ. അദ്ദേഹത്തെയും ടി.വി. രാജേഷിനെയുംപോലെയുള്ള നേതാക്കളെ കേസിൽ കുടുക്കാൻ ഒരു ഘട്ടത്തിൽ കേന്ദ്ര ഏജൻസിയായ സി.ബി.ഐ.ക്ക് വിട്ടു. കേന്ദ്ര ഏജൻസികളെ ഉപയോഗിച്ച് പാർട്ടിയെ വേട്ടയാടാനുള്ള നീക്കംകൂടിയായിരുന്നു ഇത്. അതുകൂടിയാണ് കോടതി വിധിയോടെ പൊളിഞ്ഞുവീണതെന്നും രാഗേഷ് പറഞ്ഞു.

ഗൂഢാലോചനാക്കേസിന് ഒരടിസ്ഥാനവുമില്ലെന്ന് കണ്ടെത്തിയതിനാലാണ് കോടതി ഇരുവരെയും കുറ്റവിമുക്തരാക്കിയത്. നാട്ടിൽ എത്രയോ കമ്യൂണിസ്റ്റുകാർ കൊല്ലപ്പെട്ടിട്ടുണ്ട്. അവരുടെയൊന്നും പേരുകൾപോലും ചർച്ചയാക്കാതെ ഈ കേസിനെമാത്രം ബോധപൂർവം സെൻസിറ്റീവാക്കി മാറ്റുകയാണുണ്ടായത്. അതിനായി പാർട്ടി കോടതി, ഗൂഢാലോചന എന്നിങ്ങനെ രണ്ട് പെരുംനുണകൾ കെട്ടിപ്പൊക്കി. അതാണിപ്പോൾ തകർന്നുവീണത്. കേസിൽ മറ്റ് ചിലർ പ്രതി ചേർക്കപ്പെട്ടിട്ടുണ്ട്. നിരപരാധിത്വം തെളിയിക്കുന്നതിനായി അവർക്ക് മേൽക്കോടതിയിൽ അപ്പീൽ പോകാനുള്ള അവകാശമുണ്ടെന്നും സ്വാഭാവികമായും അപ്പീൽ നൽകുമെന്നും കെ.കെ. രാഗേഷ് കൂട്ടിച്ചേർത്തു.

About The Author

Kannur Varthakal Official

കണ്ണൂർ ജില്ലയിലെ വാർത്തകൾ തത്സമയം അറിയാൻ

ജില്ലയിലെ വിശേഷങ്ങൾ അതിവേഗം നിങ്ങളുടെ വിരൽത്തുമ്പിലെത്താൻ ഞങ്ങളുടെ ഔദ്യോഗിക വാട്സാപ്പ് ഗ്രൂപ്പിൽ അംഗമാകൂ.

WhatsApp ഗ്രൂപ്പിൽ ചേരാം
വാർത്തകൾക്കും പരസ്യങ്ങൾക്കും: WhatsApp Now +91 70120 89571

Leave a Reply

Your email address will not be published. Required fields are marked *

error: Content is protected !!