കൊട്ടിയൂർ വൈശാഖ മഹോത്സവം: തിരക്കിനിടയിൽ സ്വർണ്ണമാല കവരാൻ ശ്രമം; സ്ത്രീ പിടിയിൽ
കൊട്ടിയൂർ: കൊട്ടിയൂർ വൈശാഖ മഹോത്സവത്തിന്റെ വൻ ഭക്തജനത്തിരക്കിനിടയിൽ ഭക്തയുടെ സ്വർണ്ണമാല കവരാൻ ശ്രമിച്ച യുവതിയെ കേളകം പോലീസ് അറസ്റ്റ് ചെയ്തു. പാലക്കാട് തത്തമംഗലം സ്വദേശിനി ജ്യോതിയാണ് പിടിയിലായത്.
ക്ഷേത്രത്തിലെയും പരിസരങ്ങളിലെയും തിരക്കിനിടയിൽ ഭക്തയുടെ കഴുത്തിൽ നിന്ന് മാല പൊട്ടിക്കാൻ ശ്രമിക്കുന്നതിനിടെയാണ് പ്രതിയെ കൈയോടെ പിടികൂടിയത്. സംഭവം ശ്രദ്ധയിൽപ്പെട്ട നാട്ടുകാരും ഡ്യൂട്ടിയിലുണ്ടായിരുന്ന പോലീസും ചേർന്ന് ഉടൻ തന്നെ ഇവരെ തടഞ്ഞുവെക്കുകയായിരുന്നു. പിടിയിലായ ജ്യോതി മുൻപും നിരവധി മോഷണക്കേസുകളിൽ പ്രതിയാണെന്ന് പോലീസ് അറിയിച്ചു.
About The Author
