വിവാഹവാഗ്ദാനം നൽകിപീഡനം യുവാവിനെതിരെ കേസ്
കണ്ണൂർ: വിവാഹ വാഗ്ദാനം നൽകി യുവതിയെ ലോഡ്ജിലെത്തിച്ച് പീഡിപ്പിച്ച യുവാവിനെതിരെ പോലീസ് കേസെടുത്തു. കോട്ടയം സ്വദേശിയും രാമന്തളി കക്കംപാറയിൽ താമസക്കാരനുമായ റോബിനെതിരെയാണ് ടൗൺ പോലീസ് കേസെടുത്തത്. ചെറുതാഴം വിളയാങ്കോട് സ്വദേശിനിയായ 35 കാരിയുടെ പരാതിയിലാണ് പോലീസ് കേസെടുത്തത്. ഇക്കഴിഞ്ഞ ഫെബ്രവരി 24 നു ആണ് പരാതിക്കാസ്പദമായ സംഭവം. ഭർത്താവുമായി ബന്ധം ഉപേക്ഷിച്ച യുവതിയുമായി സോഷ്യൽ മീഡിയ വഴി സൗഹൃദത്തിലായ പ്രതി വിവാഹ വാഗ്ദാനം നൽകി കണ്ണൂരിലെ സ്വകാര്യ ലോഡ്ജിൽ വിളിച്ചു വരുത്തി മുറിയെടുത്താണ് പീഡിപ്പിച്ചത്. പിന്നീട്
വാഗ്ദാനത്തിൽ നിന്നും യുവാവ് പിന്മാറിയതോടെ പോലീസിൽ പരാതി നൽകുകയായിരുന്നു കേസെടുത്ത പോലീസ് അന്വേഷണം തുടങ്ങി.
About The Author
