നിയന്ത്രണം വിട്ട പാഴ്സൽ ലോറി ഗ്യാസ് സിലിണ്ടർ കയറ്റി വന്ന ലോറിയിലിടിച്ചു; ഡ്രൈവർ മരിച്ചു
കൊല്ലം: ദേശീയപാതയിൽ നിയന്ത്രണം വിട്ട പാഴ്സൽ ലോറി ഗ്യാസ് സിലിണ്ടർ കയറ്റിയ ലോറിയിലിടിച്ചുണ്ടായ അപകടത്തിൽ പാഴ്സൽ ലോറി ഡ്രൈവർ തൽക്ഷണം മരിച്ചു. എറണാകുളം സ്വദേശിയാണ് മരിച്ചത്. ഗ്യാസ് സിലിണ്ടർ ലോറിയുടെ ഡ്രൈവർക്ക് പരിക്കേറ്റു.
ശനിയാഴ്ച പുലർച്ചെ അഞ്ചരയോടെ തട്ടാമല സ്കൂളിനടുത്താണ് അപകടം നടന്നത്. ഇടിയുടെ ആഘാതത്തിൽ പാഴ്സൽ ലോറിയിൽ കുടുങ്ങിയ ഡ്രൈവറെ ഫയർഫോഴ്സ് സംഘം ലോറി വെട്ടിപ്പൊളിച്ചാണ് പുറത്തെടുത്തത്.
കഴക്കൂട്ടത്തെ പ്ലാൻറിൽ നിന്ന് ആലപ്പുഴയിലേക്ക് സിലിണ്ടറുകൾ കയറ്റിയ ലോറിയിലാണ് അപകടം സംഭവിച്ചത്. എതിർദിശയിൽ വന്ന പാഴ്സൽ ലോറിയാണ് ഇടിച്ചുകയറിയത്. സിലിണ്ടർ ലോറി മറിഞ്ഞില്ലാത്തതിനാൽ വലിയ ദുരന്തം ഒഴിവായി.
About The Author
