ലോകകപ്പിൽ ജർമനിക്ക് കണ്ണീർമടക്കം; പെനാൽറ്റി ഷൂട്ടൗട്ടിൽ വീഴ്ത്തി പരാഗ്വേ പ്രീക്വാർട്ടറിൽ
Screenshot
ബോസ്റ്റൺ: ലോകകപ്പ് ഫുട്ബോളിൽ വമ്പൻ അട്ടിമറി. നാലുതവണ ചാമ്പ്യന്മാരായ ജർമനിയെ തോൽപിച്ച് പരാഗ്വേ പ്രീക്വാർട്ടറിലേക്ക് മുന്നേറി. ആവേശകരമായ പോരാട്ടത്തിൽ പെനാൽറ്റി ഷൂട്ടൗട്ടിൽ 4-3 എന്ന സ്കോറിനാണ് പരാഗ്വേയുടെ വിജയം. നിശ്ചിത സമയത്തും അധികസമയത്തും ഇരു ടീമുകളും 1-1 എന്ന നിലയിൽ ഒപ്പത്തിനൊപ്പമായിരുന്നു. കടുത്ത സമ്മർദത്തിനൊടുവിൽ നടന്ന പെനാൽറ്റി ഷൂട്ടൗട്ടിലെ തോൽവി ജർമൻ ഫുട്ബോളിന്റെ ചരിത്രത്തിലെ തന്നെ കറുത്ത ദിനമായി മാറി.
മത്സരത്തിൽ ജർമനി ആധിപത്യം പുലർത്തുമെന്നായിരുന്നു ആരാധകരുടെ കണക്കുകൂട്ടൽ. എന്നാൽ, ജർമൻ മുന്നേറ്റങ്ങളെ തടയാൻ കൃത്യമായ പ്ലാനുമായാണ് പരാഗ്വേ കോച്ച് ഗുസ്താവോ അൽഫാരോ ടീമിനെ ഇറക്കിയത്. 42-ാം മിനിറ്റിൽ ഒരു മികച്ച ഹെഡറിലൂടെ ജൂലിയോ എൻസിസോ പരാഗ്വേയ്ക്ക് ലീഡ് നൽകി. രണ്ടാം പകുതിയിൽ പൊരുതിക്കയറിയ ജർമനി 53-ാം മിനിറ്റിൽ ഫ്ലോറിയൻ വിർട്സ് നൽകിയ മനോഹരമായ ക്രോസ് കൃത്യമായി തലവെച്ച് കയ് ഹാവെർട്സിലൂടെ സമനില ഗോൾ നേടി. തുടർന്ന് ജർമ്മനി തുടർച്ചയായി ആക്രമിച്ചെങ്കിലും ഗോൾകീപ്പർ റോബർട്ടോ ഫെർണാണ്ടസിന്റെ മികച്ച സേവുകൾ പരാഗ്വേയെ കാത്തു.
അധികസമയത്ത് ജോനാഥൻ താ ജർമനിക്കായി പന്ത് വലയിലെത്തിച്ചെങ്കിലും വാൾഡമർ ആന്റൺ ഗോൾകീപ്പറെ ഫൗൾ ചെയ്തുവെന്ന് ചൂണ്ടിക്കാട്ടി വാർ (VAR) ഗോൾ അനുവദിച്ചില്ല. ഇതോടെ കളി ഷൂട്ടൗട്ടിലേക്ക് നീങ്ങി. ഷൂട്ടൗട്ടിൽ ജർമ്മനിയുടെ കയ് ഹാവെർട്സ്, നിക്ക് വോൾട്ടെമേഡ് എന്നിവരുടെ കിക്കുകൾ ഗോൾകീപ്പർ ഫെർണാണ്ടസ് തടഞ്ഞു. പരാഗ്വേയുടെ സനാബ്രിയയും ബൽബുവേനയും ലക്ഷ്യം തെറ്റിച്ചെങ്കിലും ജർമ്മനിയുടെ ജോനാഥൻ താ പന്ത് പുറത്തേക്ക് അടിച്ചതോടെ കാര്യങ്ങൾ ജർമനിയുടെ കൈവിട്ടുപോയി. അവസാന കിക്കെടുത്ത ജോസ് കനാലെ പന്ത് വലയിലെത്തിച്ചതോടെ പരാഗ്വേ ക്വാർട്ടർ ഉറപ്പിച്ചു.
2014 ലോകകപ്പിന് ശേഷം ആദ്യമായാണ് ജർമ്മനി നോക്കൗട്ട് ഘട്ടത്തിൽ പ്രവേശിക്കുന്നത്. ശക്തമായ തിരിച്ചുവരവ് പ്രതീക്ഷിച്ചെങ്കിലും പ്രീക്വാർട്ടറിന് മുന്നേ അവർ വീണു. ഇതിഹാസ ഗോൾകീപ്പർ മാനുവൽ നോയറുടെ പല മികച്ച സേവുകളും ജർമ്മനിക്ക് ആശ്വാസമായെങ്കിലും ഷൂട്ടൗട്ടിലെ പിഴവുകൾ തിരിച്ചടിയായി. ഫ്രാൻസ്-സ്വീഡൻ മത്സരത്തിലെ വിജയികളെയാണ് പരാഗ്വേ ഇനി നേരിടുക.
About The Author
