ടൂറിസ്റ്റ് ബസ് ഡ്രൈവർ എം.ഡി.എം.എയുമായി പിടിയിൽ
Screenshot
ഇരിട്ടി: ബാംഗ്ലൂരിൽ നിന്നും വരികയായിരുന്ന ടൂറിസ്റ്റ് ബസിലെ ഡ്രൈവറിൽ നിന്ന് എം.ഡി.എം.എ പിടികൂടി. പടിയൂർ സ്വദേശി തോമ്പുന്നയിൽ ഡെന്നി എബ്രഹാമിനെയാണ് (39) ഇരിട്ടി പോലീസ് പിടികൂടിയത്. കൂട്ടുപുഴയിൽ വെച്ച് നടത്തിയ വാഹന പരിശോധനയ്ക്കിടെയാണ് പ്രതി പിടിയിലായത്.
സംഭവം ഇങ്ങനെ:
ബാംഗ്ലൂരിൽ നിന്ന് കണ്ണൂരിലേക്ക് വരികയായിരുന്ന ‘ആര്യ ട്രാവൽസ്’ ബസ് കൂട്ടുപുഴയിൽ വെച്ച് പോലീസ് പരിശോധിക്കുകയായിരുന്നു. ബസിന്റെ ബർത്തിൽ വിശ്രമിക്കുകയായിരുന്ന ഡ്രൈവർ ഡെന്നി എബ്രഹാമിന്റെ കൈവശം 9 ഗ്രാം എം.ഡി.എം.എ ഉണ്ടെന്ന് കണ്ടെത്തുകയായിരുന്നു. ലഹരിമരുന്ന് സ്വന്തം ഉപയോഗത്തിനും വില്പനയ്ക്കുമായി കൊണ്ടുവരികയായിരുന്നുവെന്ന് ഇരിട്ടി പോലീസ് പറഞ്ഞു.
ഇരിട്ടി എസ്.ഐ. എൻ. വിപിൻ, എസ്.ഐ. ശ്രീനാഥ്, എ.എസ്.ഐ. സാരംഗ്, കണ്ണൂർ റൂറൽ ലഹരി വിരുദ്ധ സ്ക്വാഡിലെ പ്രിയേഷ് എന്നിവരടങ്ങുന്ന സംഘമാണ് പ്രതിയെ പിടികൂടിയത്.
About The Author
