അവധിക്കാല വായനയ്ക്ക് സമ്മാനമായി വിനോദയാത്ര; നടുവനാട് സമദർശിനി ഗ്രന്ഥാലയം കുഞ്ഞു വായനക്കാർക്ക് വിരുന്നായി
നടുവനാട്: അവധിക്കാലത്തെ വായനക്കാലമാക്കിയ കുഞ്ഞു വായനക്കാർക്ക് സമദർശിനി ഗ്രന്ഥാലയം വിനോദയാത്ര ഒരുക്കി. ഗ്രന്ഥാലയം സംഘടിപ്പിച്ച ‘വായനാ ചലഞ്ചിൽ’ പങ്കെടുത്ത വായനക്കാർക്കാണ് വിനോദയാത്ര സമ്മാനിച്ചത്. ഏപ്രിൽ 15 മുതൽ മെയ് അഞ്ച് വരെ നീണ്ടുനിന്ന വായനാ ചലഞ്ചിൽ അമ്പതോളം കുട്ടികളാണ് ദിവസവും പുസ്തകങ്ങൾ വായിക്കുകയും വായനാക്കുറിപ്പുകൾ തയ്യാറാക്കുകയും ചെയ്തത്.
കടലിന്റെ അത്ഭുതക്കാഴ്ചയിലേക്ക്
വിനോദയാത്രയുടെ ഭാഗമായി മുഴപ്പിലങ്ങാട് ബീച്ചിലെത്തിയ കുട്ടികൾക്ക് കടൽ ഒരു പുതിയ അനുഭവമായി. പുസ്തകങ്ങളിലൂടെ മാത്രം കടലിനെ അറിഞ്ഞ പല കുട്ടികൾക്കും ഇത് കൗതുകകരമായ ആദ്യാനുഭവമായിരുന്നു. ഇരിട്ടി താലൂക്കിലെ മികച്ച ‘എ പ്ലസ്’ ലൈബ്രറികളിൽ ഒന്നായ സമദർശിനി, വായന പ്രോത്സാഹിപ്പിക്കുന്നതിനായി നിരവധി ക്രിയാത്മകമായ പരിപാടികളാണ് ആവിഷ്കരിക്കുന്നത്. വിനോദയാത്രയ്ക്ക് ഗ്രന്ഥാലയം പ്രസിഡന്റ് ബെൻഹർ കോട്ടത്തുവളപ്പിൽ, ഭാരവാഹികളായ കെ.വി. രജീഷ്, സി. സുജാത, കെ. ബിന്ദു, കെ. ഉഷ എന്നിവർ നേതൃത്വം നൽകി.
About The Author
