ദേശീയപാത 66: തളിപ്പറമ്പ് – മുഴപ്പിലങ്ങാട് റീച്ചിൽ പുതിയ എൻട്രി/എക്സിറ്റ് പോയിന്റുകൾ അനുവദിച്ചു; കോട്ടക്കുന്ന്, മുണ്ടയാട്, എളയാവൂർ ഭാഗങ്ങളിൽ സൗകര്യം
Screenshot
കണ്ണൂർ: ദേശീയപാത 66-ൽ തളിപ്പറമ്പ് മുതൽ മുഴപ്പിലങ്ങാട് വരെയുള്ള ആറുവരിപ്പാത നിർമ്മാണവുമായി ബന്ധപ്പെട്ട് കോട്ടക്കുന്ന് (കട്ടമ്പള്ളി), മുണ്ടയാട്, എളയാവൂർ എന്നീ ഭാഗങ്ങളിൽ പുതിയ എൻട്രി/എക്സിറ്റ് പോയിന്റുകൾ അനുവദിച്ചു. ബി.ജെ.പി കണ്ണൂർ നോർത്ത് ജില്ലാ പ്രസിഡന്റ് കെ.കെ. വിനോദ് കുമാർ നൽകിയ നിവേദനത്തെത്തുടർന്നാണ് നാഷണൽ ഹൈവേ അതോറിറ്റി ഓഫ് ഇന്ത്യ (NHAI) ഈ നിർണ്ണായക തീരുമാനം കൈക്കൊണ്ടത്.
അനുവദിച്ച സ്ഥലങ്ങൾ:
കോട്ടക്കുന്ന് (കട്ടമ്പള്ളി): Chainage 145+220 BHS (രണ്ടു വശങ്ങളിലും)
മുണ്ടയാട് (പൗൾട്രി ഫാമിന് സമീപം): Chainage 151+080 BHS (രണ്ടു വശങ്ങളിലും)
എളയാവൂർ: Chainage 152+190 BHS (രണ്ടു വശങ്ങളിലും)
ഈ സ്ഥലങ്ങളിൽ ശാസ്ത്രീയവും പ്രായോഗികവുമായ രീതിയിൽ എൻട്രി/എക്സിറ്റ് സൗകര്യങ്ങൾ ഒരുക്കുമെന്ന് എൻ.എച്ച്.എ.ഐ പ്രോജക്ട് ഡയറക്ടർ ഉമേഷ് കെ. ഗാർഗ് കത്തിൽ അറിയിച്ചു. പ്രദേശവാസികളുടെയും വാഹനയാത്രക്കാരുടെയും ദീർഘകാലമായുള്ള ആവശ്യമാണ് ഇതിലൂടെ പരിഹരിക്കപ്പെടുന്നത്. പുതിയ എൻട്രി/എക്സിറ്റ് പോയിന്റുകൾ വരുന്നതോടെ ഈ ഭാഗങ്ങളിലെ ഗതാഗത സൗകര്യം വർദ്ധിക്കുകയും യാത്ര കൂടുതൽ സുഗമമാവുകയും ചെയ്യും.
About The Author
