സി.ഒ.ടി.നസീർ വധശ്രമ കേസ്: പ്രതികൾ ഇന്ന് കോടതിയിൽ

സിപിഎം മുൻ നേതാവ് സി.ഒ.ടി.നസീർ വധശ്രമ കേസിൽ പൊലീസ് കസ്റ്റഡിയിൽ വിട്ട പ്രതികളെ ചോദ്യം ചെയ്തതിന് ശേഷം ഇന്ന് തിരികെ കോടതിയിൽ ഹാജരാക്കും.കതിരൂർ വേറ്റുമ്മൽ ആണിക്കാംപൊയിലിലെ സി.ശ്രീജിൻ , കാവുംഭാഗം കോമത്ത്പാറയിലെ റോഷൻ.ആർ.ബാബു എന്നിവരെയാണ് ഹാജരാക്കുക.പൊന്ന്യം കുണ്ടുചിറയിലെ പൊട്ട്യൻ സന്തോഷ്, കൊളശ്ശേരിയിലെ വിപിൻ എന്ന ബ്രിട്ടോ എന്നിവരാണ് തങ്ങൾക്ക് ക്വട്ടേഷൻ ഏൽപ്പിച്ചതെന്ന് ഇവർ ചോദ്യം ചെയ്യലിൽ പൊലീസിനോട് മൊഴി നൽകിയിട്ടുണ്ട്.കേസിലെ മറ്റു പ്രതികൾ സംസ്ഥാനം വിട്ടതായാണ് പൊലീസ് സംശയിക്കുന്നത്.ഇവരുടെ ഫോൺ സ്വിച്ച് ഓഫാണ്. ഇടയ്ക്ക് ഇവർ ഫോണിൽ ചില ആളുകളുമായി ബന്ധപ്പെടുന്നുണ്ട്.ഇവരെ പൊലീസ് വിളിച്ചു ചോദ്യം ചെയ്യുന്നുണ്ട്.ഇതിനിടയിൽ സിപിഎം ഏരിയാ കമ്മിറ്റി ഓഫിസിലെ മുൻ സെക്രട്ടറിയും സഹകരണ ബാങ്ക് ജീവനക്കാരനുമായ യുവാവ് നസീറിന് നേരെ അക്രമം നടക്കുന്നതിന്റെ അടുത്ത ദിവസങ്ങളിൽ ഒട്ടേറെ തവണ പൊട്ട്യൻ സന്തോഷുമായി ഫോണിൽ സംസാരിച്ചതിന്റെ രേഖകളും പൊലീസിന് ലഭിച്ചിട്ടുണ്ട്.

Advertisements

ഒരുമനയൂർ രായംമരക്കാർ വീട്ടിൽ (പട്ടർ) മാമ്മത് മകൻ അംബലത്ത് വീട്ടിൽ ആലി അന്തരിച്ചു

പാവറട്ടി: പാലുവായി റോഡിൽ താമസിക്കുന്ന ഒരുമനയൂർ രായംമരക്കാർ വീട്ടിൽ (പട്ടർ) മാമ്മത് മകൻ അംബലത്ത് വീട്ടിൽ ആലി മരണപെട്ടു.
ഭാരൃ: നഫീസ അടിതിരുത്തി.
മക്കൾ: സുഹറ വട്ടേക്കാട് റസിയ ബ്രഹ്മക്കുളം
സലീം സൗദി അറേബ്യ
ഹസ്സൻ, ഹുസ്സൈൻ യു.എ.ഇ
നസീമ (ഷമീറ) കണ്ണോത്ത്.
മരുമക്കൾ: ജബ്ബാർ വട്ടേക്കാട്ൺ
ഫക്കറുദ്ദീൻ ബ്രഹ്മക്കുളം
അഷ്റഫ് കണ്ണോത്ത്
സറീന, ഷഹന, സൈറ
സഹോദരങ്ങൾ:
പരേതനായ അബ്ദുൽ റഹിമാൻ കൈതമുക്ക് വെൻമേനാട്
കുഞ്ഞിമുഹമ്മദ് ഹാജി ചേറ്റുവ ട്ടോൾ, ഒരുമനയൂർ
മൊയ്തു പാങ്ങ്. ഖബറടക്കം ഇന്ന് 3:00 മണിക്ക് പാവർട്ടിയിൽ നിന്നും എടുത്ത് 4:00 മണി അസർ നിസ്കാരത്തിന് ശേഷം ഒരുമുനയൂർ തെക്കേതലക്കൽ ജുമാ മസ്ജിദിൽ നടത്തപ്പെടുന്നു.

സൗമ്യയെ കൊലപ്പെടുത്തിയതിന് ശേഷം ആത്മഹത്യ ചെയ്യാന്‍ ഉദ്ദേശിച്ചുവെന്ന് അജാസ്

മാവേലിക്കരയില്‍ സിവില്‍ പൊലീസ് ഉദ്യോഗസ്ഥ സൗമ്യയെ തീകൊളുത്തി കൊലപ്പെടുത്തിയ അജാസിന്റെ മൊഴി മജിസ്‌ട്രേറ്റ് രേഖപ്പെടുത്തി. സൗമ്യയെ കൊലപ്പെടുത്തിയതിന് ശേഷം ആത്മഹത്യചെയ്യാനാണ് തീരുമാനിച്ചതെന്ന് അജാസ് മൊഴി നല്‍കി.സൗമ്യയെ കൊലപ്പെടുത്തിയതില്‍ മറ്റാര്‍ക്കും പങ്കില്ലെന്നും അദ്ദേഹം പറഞ്ഞു. സൗമ്യയെ തീകൊളുത്തി കൊലപ്പെടുത്തുന്നതിനിടയില്‍ പൊള്ളലേറ്റ അജാസ് ചികില്‍സയിലാണ്.ആരോഗ്യനില മെച്ചപ്പെട്ടതിനെ തുടര്‍ന്ന് ഇയാളുടെ മൊഴി രേഖപ്പെടുത്തിയത്. സൗമ്യയോട് വിവാഹ അഭ്യര്‍ത്ഥന നടത്തിയിരുന്നുവെന്നും അത് നിഷേധിച്ചതാണ് കൊലപാതകത്തിന് പ്രേരിപ്പിച്ചതെന്നും മൊഴി നല്‍കിയിട്ടുണ്ട്. ഇന്നലെ രാത്രി 10.30 ഓടെയാണ് മജിസ്‌ട്രേറ്റിന് മുന്നില്‍ മൊഴി രേഖപ്പെടുത്തിയത്.കഴിഞ്ഞ ദിവസം ഇയാളുടെ മൊഴി രേഖപ്പെടുത്താന്‍ ശ്രമിച്ചിരുന്നുവെങ്കിലും ആരോഗ്യ സ്ഥിതി മോശമായതിനെ തുടര്‍ന്ന് നടന്നിരുന്നില്ല.അജാസില്‍നിന്ന് സൗമ്യയ്ക്ക് നേരിടേണ്ടി വന്ന ക്രൂരതകളെകുറിച്ച്‌ ഇന്നലെ അവരുടെ അമ്മ വിശദമാക്കിയിരുന്നു. അജാസ് സൗമ്യയെ ഭീഷണിപ്പെടുത്തുന്നതും മര്‍ദ്ദിക്കുന്നതും പലപ്പോഴായി സംഭവിച്ചിട്ടുണ്ടെന്നാണ് ഇന്ദിര മാധ്യമങ്ങളോട് പറഞ്ഞത്.വീട്ടിലെത്തിപ്പോഴും അജാസ് ക്രൂരമായി സൗമ്യയെ മര്‍ദ്ദിച്ചിട്ടുണ്ട്. ഒരിക്കല്‍ സൗമ്യയുടെ ശരീരത്തില്‍ പെട്രോള്‍ ഒഴിച്ചിട്ടുള്ള അജാസ് മറ്റൊരു സന്ദര്‍ഭത്തില്‍ ഷൂ കൊണ്ട് നടുവില്‍ അടിച്ചിട്ടുണ്ടെന്നും അമ്മ പറയുന്നു. ഇക്കാര്യങ്ങള്‍ സൗമ്യ തന്നെയാണ് തന്നോട് പറഞ്ഞിട്ടുള്ളതെന്നാണ് ഇന്ദിര പവെളിപ്പെടുത്തിയത്.

DYFI മോറാഴ മേഖലാ കമ്മറ്റി, SFI മോറാഴ ലോക്കൽ കമ്മറ്റി എന്നിവയുടെ സംയുക്താഭിമുഖ്യത്തിൽ SSLC, പ്ലസ് ടു പരീക്ഷയിൽ മുഴുവൻ വിഷയത്തിലും A+നേടിയ വിദ്യാർത്ഥികളെ അനുമോദിച്ചു

മൊറാഴ:DYFI മോറാഴ MC, SFI മോറാഴ ലോക്കൽ കമ്മറ്റി എന്നിവയുടെ സംയുക്താഭിമുഖ്യത്തിൽ 2018-19 അധ്യയന വർഷത്തെ SSLC, പ്ലസ് ടു പരീക്ഷയിൽ മുഴുവൻ വിഷയത്തിലും A+നേടിയ വിദ്യാർത്ഥികൾക്കുള്ള അനുമോദന സദസ്സ് “വിജയോത്സവം 2019” സംഘടിപ്പിച്ചു. DYFI തളിപ്പറമ്പ ബ്ലോക്ക്‌ സെക്രട്ടറി സഖാവ് പി പ്രശോഭ് ഉദ്ഘടനം ചെയ്തു.DYFI മോറാഴ മേഖലാ പ്രസിഡന്റ് പ്രജീഷ് പി, സെക്രട്ടറി സി.പി മുഹാസ്, കെ.പി അക്ഷയ്, ഷജിന തുടങ്ങിയവർ സന്നിഹിതരായിരുന്നു.

ലോകകപ്പില്‍ പാക്കിസ്ഥാനെ തോല്‍പ്പിച്ച്‌ ഇന്ത്യ

ലോകകപ്പ് മത്സരത്തില്‍ പാകിസ്ഥാനെതിരെ ഇന്ത്യയ്ക്ക് 89 റണ്‍സ് ജയം. പാകിസ്താന്‍ ഇന്നിങ്‌സിന്റെ 35-ാം ഓവറില്‍ മത്സരം മഴ മുടക്കിയതോടെ ഡക്ക് വര്‍ത്ത് ലൂയിസ് നിയമപ്രകാരം വിജയലക്ഷ്യം 40 ഓവറില്‍ 302 റണ്‍സായി പുനര്‍നിശ്ചയിക്കുകയായിരുന്നു. എന്നാല്‍ 35 ഓവറില്‍ ആറിന് 166 റണ്‍സായിരുന്നു പാകിസ്ഥാന്. ജയിക്കാന്‍ അഞ്ച് ഓവറില്‍ 136 റണ്‍സെടുക്കേണ്ട അവസ്ഥ വന്നു. എന്നാല്‍ 40 ഓവറില്‍ ആറു വിക്കറ്റ് നഷ്ടത്തില്‍ 212 റണ്‍സെടുക്കാനേ പാകിസ്ഥാന് സാധിച്ചുള്ളൂ.337 റണ്‍സ് വിജയലക്ഷ്യം പിന്തുര്‍ന്ന പാകിസ്ഥാന് ആദ്യം തന്നെ അടിതെറ്റി. ടോസ് ആദ്യം തന്നെ നഷ്‌ടപ്പെട്ട് ബാറ്റിങ്ങിന് ഇറങ്ങിയ ഇന്ത്യ രോഹിത് ശര്‍മയുടെ (140) തകര്‍പ്പന്‍ സെഞ്ച്വറിയുടെ കരുത്തില്‍ നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍ 336 റണ്‍സെടുത്തിരുന്നു. ഇന്ത്യയുടെ സ്കോര്‍ പിന്തുടര്‍ന്ന പാകിസ്ഥാന് ബാറ്റിംഗ് തകര്‍ച്ചയായിരുന്നു.പാകിസ്ഥാന്‍ ആറ് വിക്കറ്റ് നഷ്ടത്തില്‍ 166 റണ്‍സെടുക്കുമ്പോഴാണ് മഴ എത്തിയത്.രണ്ട് വിക്കറ്റ് വീതം വീഴ്ത്തിയ വിജയ് ശങ്കര്‍, കുല്‍ദീപ് യാദവ്, ഹാര്‍ദ്ദിക് പാണ്ഡ്യ എന്നിവരുടെ കൃത്യതയാര്‍ന്ന ബൗളിംഗാണ് ഇന്ത്യയ്ക്ക് വിജയം നല്‍കിയത്. ലോക കപ്പില്‍ ഇതുവരെ പാകിസ്ഥാനോട് തോറ്റിട്ടില്ലെന്ന റെക്കാഡ് ഇന്ത്യ കാത്തു സൂക്ഷിച്ചു.

താവത്ത് ബൈക്കും ലോറിയും കൂട്ടിയിടിച്ചു 2 മരണം

താവം മുട്ടിൽ റോഡിൽ ലോറിയും ബൈക്കും കൂട്ടിയിടിച്ചു രണ്ടുപേർ മരിച്ചു. Continue reading

കഞ്ചാവുമായി രണ്ടുപേർ പിടിയിൽ.

കണ്ണൂർ: കഞ്ചാവുമായി രണ്ടു യുവാക്കളെ എക്സൈസ് സംഘം പിടികൂടി.അത്താഴകുന്നിലെ നിയാസ്( 22)നെ 100 ഗ്രാം കഞ്ചാവുമയും പുഴാതിയിലെ റെജിഷാദ് (29)നെ 100 ഗ്രാം കഞ്ചാവുയാണ് കണ്ണൂർ എക്‌സൈസ് സർക്കിൾ ഓഫിസിലെ പ്രവന്റ്‌വ് ഓഫീസർ മാരായ എൻ പത്മരാജൻ ,സന്തോഷ് ,സിവിൽ എക്‌സൈസ് ഓഫീസർ മാരായ ഉമേഷ് ,സുജിത്ത് ,ഷബിൻ ,രതിക,എന്നിവർ അടങ്ങിയ സംഘം പിടികൂടിയത്.

മോഷണം ആസൂത്രണം ചെയ്യുന്നതിനിടെ പോലീസിന്റെ പിടിയിലായി

കണ്ണൂർ: കവർച്ച, പിടിച്ചുപറി കേസുകളിലെ പ്രതികൾ മോഷണം ആസൂത്രണം ചെയ്യുന്നതിനിടെ പോലീസിന്റെ പിടിയിലായി. കണ്ണാടിപ്പറമ്പ് ക്രിസ്ത്യൻ കോളനിയിലെ പി.ടി വർഗീസ്(33)ഇരട്ടി പുന്നാട്ടെ സനീഷ് നിവാസിൽ പികെ സജേഷ്(32)കടമ്പളളിയിലെ പുതിയവീട്ടിൽ മനോജ്(36)പാലക്കാട്ടെ കെ സുബൈർ(33)എന്നിവരെയാണ് പഴയ ബസ് സ്റ്റാൻഡ് പരിസരത്ത് വെച്ച് ടൗൺ എസ് ഐ ബാബുമോനും സംഘവും അറസ്റ്റ് ചെയ്തത്. പിടിയിലായവരിൽ എല്ലാം തന്നെ നിരവധി കളവ് പിടിച്ചുപറി കേസുകളിൽ പ്രതികളാണെന്ന് പോലീസ് പറഞ്ഞു.

കൊട്ടാരക്കരയില്‍ കെ.എസ്.ആര്‍.ടി.സി ബസിന് തീപിടിച്ചു,​ യാത്രക്കാര്‍ക്ക് പരിക്ക്

 കെ.എസ്.ആര്‍.ടി.സി ബസ് കത്തി യാത്രക്കാരില്‍ പലര്‍ക്കും പരിക്ക്. കോണ്‍ക്രീറ്റ് മിക്സിംഗ് വാഹനവും കെ.എസ്.ആര്‍.ടി.സി ബസും കൂട്ടിയിടിക്കുകയായിരുന്നു. കൊട്ടാരക്കരയ്ക്കടുത്ത് വയക്കലില്‍ ആണ് സംഭവം. പരിക്ക് പറ്റിയവരെ ആശുപത്രിയിലെത്തിച്ചു. ഗുരുതരമായി പരിക്കേറ്റവരെ തിരുവനന്തപുരം മെഡിക്കല്‍ കോളേജിലേക്ക് മാറ്റുന്നു.

ഗാന്ധി സ്മാരക വായനശാല & കെ.സി.കെ.എൻ ലൈബ്രറി മഹാത്മ ബാലവേദിയുടെ ആഭിമുഖ്യത്തിൽ മഴക്കാലപൂർവ്വ ശുചീകരണം തുടങ്ങി

മഴക്കാലപൂർവ്വ ശുചീകരണ പ്രവർത്തനങ്ങളുടെ ഉദ്ഘാടനം ശ്രീ .മിഥുൻ മോഹനൻ കെ.വി ( NYK Thalassery block NYV)നിർവ്വഹിച്ചു. താഴെ കാവിൻമൂല ആശാരി പീടികയ്ക്ക് മുൻവശത്തുള്ള പ്രദേശം ശുചീകരിച്ചുകൊണ്ടാണ് പ്രവർത്തനങ്ങൾക്ക് തുടക്കം കുറിച്ചത്.പ്ലാസ്റ്റിക് കവറുകൾ, കുപ്പികൾ, എന്നിവ ശേഖരിക്കുകയും ചാലുകളും, ഓടകളും ശുചീകരിക്കുകയും ചെയ്തു. അടിക്കാടുകൾ വെട്ടി വൃത്തിയാക്കുകയും, ചാലുകളിൽ അടിഞ്ഞ മണ്ണ് മാറ്റുകയും ചെയ്തു. മേഘ്ന മനോജ് അധ്യക്ഷത വഹിച്ചു.ആർദ്ര രഗേഷ് ശുചിത്വ പ്രതിജ്ഞ ചൊല്ലി കൊടുത്തു.ദേവകുമാർ.പി,തീർത്ഥ, സിദ്ധാർത്ഥ് ,മുഹമ്മദ് നാഫി, സാനിയ, അഭിലാഷ്, മധുസൂതനൻ എന്നിവർ പങ്കെടുത്തു.