ഓർമ്മകൾ പുതുക്കി ഒരു മടക്കയാത്ര; കണ്ണൂർ എസ്.എൻ കോളേജ് 1975–77 ബാച്ച് സ്നേഹസംഗമം സംഘടിപ്പിച്ചു
കണ്ണൂർ: കണ്ണൂർ എസ്.എൻ കോളേജിലെ 1975–77 പ്രീഡിഗ്രി ബാച്ച് വിദ്യാർത്ഥികളുടെ കൂട്ടായ്മയായ ‘സ്നേഹസംഗമം’ ബ്രോഡ്ബീൻ ഹോട്ടലിൽ വെച്ച് നടന്നു. ബാച്ചിലെ മുൻ വിദ്യാർത്ഥികൾ തുടർച്ചയായി സംഘടിപ്പിക്കുന്ന അഞ്ചാമത്തെ സംഗമമാണിത്. ലോകത്തിന്റെ വിവിധ ഭാഗങ്ങളിൽ നിന്നുള്ള നിരവധി പേർ ഈ സൗഹൃദ കൂട്ടായ്മയുടെ ഭാഗമാകാൻ എത്തിച്ചേർന്നിരുന്നു.
വർഷങ്ങൾക്ക് ശേഷം വീണ്ടും ഒരുമിച്ചുകൂടിയ സഹപാഠികൾ കാമ്പസ് കാലത്തെ മധുരസ്മരണകളും തങ്ങളുടെ ജീവിതയാത്രയിലെ അനുഭവങ്ങളും പരസ്പരം പങ്കുവെച്ചു. പഴയ സൗഹൃദങ്ങൾ പുതുക്കാനും ഓർമ്മകൾ പങ്കിടാനും ലഭിച്ച ഈ അവസരം പങ്കെടുത്ത എല്ലാവർക്കും മറക്കാനാവാത്ത അനുഭവമായി മാറി.
ജയരാജൻ, ശ്രീകുമാർ, അജയകുമാർ, വിനോദ്, അനിത സുകേഷ്, ഡോ. സുരേന്ദ്രൻ, സദാനന്ദൻ, രവി കുന്നൂൽ, ജയകൃഷ്ണൻ, കേശവൻ, സുജാത തുടങ്ങിയവർ സംഗമത്തിന് നേതൃത്വം നൽകി.
About The Author
