കണ്ണൂരിൽ റോഡിലേക്ക് മലിനജലം ഒഴുക്കിവിട്ട മത്സ്യവണ്ടിക്ക് 5000 രൂപ പിഴ ചുമത്തി
കണ്ണൂർ: കണ്ണൂർ ദേശീയപാതയിൽ തെക്കീ ബസാറിന് സമീപം റോഡിലേക്ക് മലിനജലം ഒഴുക്കിവിട്ട ലോറിക്ക് തദ്ദേശ സ്വയംഭരണ വകുപ്പിന്റെ ജില്ലാ എൻഫോഴ്സ്മെന്റ് സ്ക്വാഡ് 5000 രൂപ പിഴ ചുമത്തി. കെ.എൽ. 04 എ.എച്ച്. 3972 നമ്പിലുള്ള മത്സ്യവണ്ണിക്കാണ് നടപടി നേരിട്ടത്. വ്യാഴാഴ്ച രാവിലെ റോഡരികിൽ പാർക്ക് ചെയ്ത തൃശൂർ രജിസ്ട്രേഷനിലുള്ള വാഹനത്തിൽ നിന്നാണ് പൈപ്പ് വഴി മലിനജലം റോഡിലേക്ക് തള്ളിയത്.
സ്ഥലം വൃത്തിയാക്കാൻ ചെലവാകുന്ന തുക ഉൾപ്പെടെ വാഹന ഉടമയായ തൃശൂർ കൊടുങ്ങല്ലൂർ സ്വദേശി നിഷാദ് കെ.ഐ.യിൽ നിന്നും ഈടാക്കാൻ ജില്ലാ എൻഫോഴ്സ്മെന്റ് സ്ക്വാഡ് കണ്ണൂർ കോർപ്പറേഷന് നിർദ്ദേശം നൽകി.
പൊതുജനങ്ങൾക്കായി പ്രത്യേക അറിയിപ്പ്:
ഇത്തരത്തിലുള്ള നിയമലംഘനങ്ങൾ ശ്രദ്ധയിൽപെട്ടാൽ 9446 700 800 എന്ന വാട്സ്ആപ്പ് നമ്പറിൽ പൊതുജനങ്ങൾക്കും വാഹനത്തിന്റെ നമ്പർ ഉൾപ്പെടെയുള്ള തെളിവുകൾ നൽകാവുന്നതാണ്. ഈ നമ്പറിലെത്തുന്ന പരാതികൾ അന്വേഷിച്ച് കുറ്റക്കാർക്ക് ചുമത്തുന്ന പിഴയുടെ 25 ശതമാനം പാരിതോഷികമായി വിവരം നൽകുന്ന വ്യക്തിക്ക് ലഭിക്കുന്നതാണെന്നും അധികൃതർ അറിയിച്ചു.
About The Author
