ഡിവൈ.എസ്.പി ഓഫീസ് പ്രതിഷേധ മാർച്ച് 220 എൽ.ഡി.എഫ് പ്രവർത്തകർക്കെതിരെ കേസ്.
പയ്യന്നൂർ: തിരഞ്ഞെടുപ്പുമായി ബന്ധപ്പെട്ട അക്രമ സംഭവങ്ങളിലെ പ്രതികളെയും ടി. പുരുഷോത്തമൻ്റെ ചെമ്മീൻ കണ്ടി കത്തിച്ച കേസിലെ പ്രതികളെകണ്ടെത്തുന്നതിലെ കാലതാമസത്തിനെതിരെയും എൽഡിഎഫ് പയ്യന്നൂർ ഏരിയാ കമ്മിറ്റിയുടെ ആഭിമുഖ്യത്തിൽ നടത്തിയപ്രതിഷേധ മാർച്ചിൽ പങ്കെടുത്ത 220 എൽഡിഎഫ് പ്രവർത്തകർക്കെതിരെ പയ്യന്നൂർ പോലീസ് കേസെടുത്തു. പയ്യന്നൂരിലെ പി. സന്തോഷ് ,സരിൻശശി, വി.നാരായണൻ, ടി. ഐ. മധുസൂദനൻ, പി ജയൻ, രമേശൻ ,പി ശ്യാമള ,അനൂപ് രാമന്തളി , റഹ് നേജ്, പ്രസാദ്, ഹരിഹരൻ , കെ.വി.ലളിത, കെ.വി. ബാബു, ഒ.ടി. സുജേഷ്, ഒ.കെ. ശശി, രഞ്ജിത്ത്, വി. ബാലൻ, പി. സത്യപാലൻ,ജോസ് മാത്യു, പി.വി. ദാസൻ എന്നിവർക്കും മറ്റ് കണ്ടാലറിയാവുന്ന 200 പേർ ഉൾപ്പെടെ 220 പേർക്കെതിരെയാണ് കേസെടുത്തത്. മുദ്രാവാക്യം വിളിച്ച് കൊണ്ട് പ്രകടനമായി വന്ന് പൊതുഗതാഗതം തടസ്സപ്പെടുത്തിയും അത് വഴി കടന്നുപോകുന്ന പൊതുജനങ്ങൾക്ക് മാർഗ്ഗ തടസ്സം സൃഷ്ടിച്ചതിനാണ് പോലീസ് കേസെടുത്തത്.
About The Author
