ഈ തോൽവി ആത്മാവിനെ വേദനിപ്പിക്കുന്നു; വാർത്താസമ്മേളനത്തിൽ വിതുമ്പലടക്കാനാകാതെ അർജന്റീന പരിശീലകൻ ലയണൽ സ്കലോണി
Screenshot
ന്യൂയോർക്ക്: ലോകകപ്പ് ഫുട്ബോൾ ഫൈനലിൽ സ്പെയ്നിനോടേറ്റ പരാജയത്തിന് പിന്നാലെ മാധ്യമങ്ങളെ കാണവെ കണ്ണീരണിഞ്ഞ് അർജന്റീന പരിശീലകൻ ലയണൽ സ്കലോണി. ഈ തോൽവി തന്നെ ദീർഘകാലം വേദനിപ്പിക്കുമെന്നും, എന്നാൽ ഫുട്ബോളിലെ ഏറ്റവും വലിയ വേദിയിൽ രണ്ടാം തവണയും ഫൈനൽ വരെയെത്തിയ തന്റെ ടീമിൽ നിന്ന് ഇതിലും മികച്ചതൊന്നും തനിക്കിനി ആവശ്യപ്പെടാനില്ലെന്നും അദ്ദേഹം വ്യക്തമാക്കി.
“ഫൈനൽ വരെ എത്താൻ വലിയ പരിശ്രമം ആവശ്യമായിരുന്നു. ഞങ്ങൾ ഈ തോൽവിയെ അംഗീകരിക്കുന്നു. എന്നാൽ അതുകൊണ്ട് എല്ലാം അവസാനിച്ചുവെന്ന് അർത്ഥമില്ല. ഒരു ടൂർണമെന്റിൽ റണ്ണറപ്പാകുന്നതും ആസ്വദിക്കാൻ കഴിയണം, രണ്ടാം സ്ഥാനവും ഒരു വിജയമാണ്. ടൂർണമെന്റിലുടനീളം എന്റെ ടീം യോദ്ധാക്കളെപ്പോലെയാണ് പോരാടിയത്,” സ്കലോണി പറഞ്ഞു. അപ്രതീക്ഷിതമായി കളിക്കാർക്കുണ്ടായ പരിക്കുകൾ ഫൈനലിൽ വലിയ തിരിച്ചടിയായെന്നും അദ്ദേഹം ചൂണ്ടിക്കാട്ടി.
ഭാവി കാര്യങ്ങൾ അർജന്റീന ഫുട്ബോൾ അസോസിയേഷൻ പ്രസിഡന്റുമായി ചർച്ച ചെയ്യുമെന്നും, നിലവിലെ കരാർ അവസാനിക്കുന്ന ഡിസംബർ മാസം വരെ താൻ അർജന്റീന ടീമിനൊപ്പമുണ്ടാകുമെന്നും സ്കലോണി അറിയിച്ചു. മികച്ചൊരു ടീമിനെതിരെയാണ് ഫൈനലിൽ മത്സരിച്ചതെന്നും, ഇങ്ങനെയൊരു സ്വപ്നതുല്യമായ ഇടം നൽകിയതിന് അസോസിയേഷനോട് അതിയായ നന്ദിയുണ്ടെന്നും അദ്ദേഹം കൂട്ടിച്ചേർത്തു.
About The Author
