അന്താരാഷ്ട്ര നാവിക ദിനം: ചികിത്സാ സഹായം വിതരണം ചെയ്ത് മെർച്ചന്റ് നേവി അസോസിയേഷൻ
Screenshot
ഉദുമ: അന്താരാഷ്ട്ര നാവിക ദിനത്തോടനുബന്ധിച്ച് മെർച്ചന്റ് നേവി അസോസിയേഷൻ കാസർകോട് ജില്ലാ കമ്മിറ്റി ചികിത്സാ സഹായങ്ങൾ വിതരണം ചെയ്തു. വൃക്ക രോഗത്താൽ ബുദ്ധിമുട്ടുന്ന എരോൽ മൊട്ടമ്മൽ സ്വദേശി ബിനീഷ്, കാൻസർ ബാധിതയായ കാഞ്ഞങ്ങാട് പറക്കളായി സ്വദേശിനി സുഗന്ധിനി എന്നിവർക്കാണ് അസോസിയേഷൻ കൈത്താങ്ങായത്. ഇവർക്കുള്ള ധനസഹായം ചികിത്സാ കമ്മിറ്റി ഭാരവാഹികളായ എൻ.ജി. വിജയൻ, മനീഷ് മേൽപറമ്പ് എന്നിവർ ഏറ്റുവാങ്ങി.
നാവിക ദിനം:
മാസങ്ങളോളം സ്വന്തം വീടും നാടും വിട്ട് കടലിൽ കഠിനാധ്വാനം ചെയ്യുന്ന കപ്പൽ ജീവനക്കാരോടുള്ള ആദരസൂചകമായാണ് എല്ലാ വർഷവും ജൂൺ 25 അന്താരാഷ്ട്ര നാവിക ദിനമായി ആചരിക്കുന്നത്.
ചടങ്ങ്:
രാജേന്ദ്രൻ കണിയാമ്പാടി അധ്യക്ഷത വഹിച്ച ചടങ്ങിൽ പി.കെ. ഹരിദാസ്, കെ.എ. രമേശൻ, ഋതുരാജ് പാലക്കുന്ന്, മാധവൻ കുതിരക്കോട്, കൃഷ്ണൻ മാങ്ങാട് എന്നിവർ സംസാരിച്ചു. അസോസിയേഷൻ സെക്രട്ടറി രാജേന്ദ്രൻ മുതിയക്കാൽ സ്വാഗതവും കൺവീനർ സന്തോഷ് തോരോത്ത് നന്ദിയും പറഞ്ഞു.
About The Author
