റിട്ട. പ്രൊഫസറുടെ വീട്ടിൽ നിന്നും27 ലക്ഷത്തിൻ്റെ സ്വർണ്ണം കവർന്നു

മേൽപ്പറമ്പ് : റിട്ട. പ്രൊഫസറുടെ വീട്ടിലെ കിടപ്പുമുറിയിലെ അലമാരയിൽ സൂക്ഷിച്ച 27 ലക്ഷം രൂപ വിലവരുന്ന സ്വർണ്ണാഭരണങ്ങൾ മോഷ്ടിച്ചു കൊണ്ടുപോയി. പരാതിയിൽ പോലീസ് കേസെടുത്തു. ചെമ്മനാട് കൊവ്വൽ കടവത്ത് കുടുംബസമേതം താമസിക്കുന്ന റിട്ട. പ്രൊഫസർ കെ. മുഹമ്മദ് കുഞ്ഞിയുടെ (73) വീട്ടിലാണ് മോഷണം നടന്നത്. 2025 ജനുവരി മാസത്തിനും 2026 മെയ് 7 നുമിടയിലുള്ള ദിവസങ്ങളിൽ മൂന്നുതവണകളായി കിടപ്പുമുറിയിലെ ഷെൽഫിൽ സൂക്ഷിച്ച 23.5 പവൻ ആഭരണങ്ങൾ മോഷണം പോയി. തുടർന്ന് പോലീസിൽ പരാതി നൽകി. വീട്ടിൽ ഇലക്ട്രിക്കൽ, പ്ലംബ്ലിങ്ങ് ജോലിക്കുവന്നിരുന്ന എ. അബ്ദുൾ സലാം എന്നയാളെ സംശയിക്കുന്നുവെന്ന പരാതിയിൽ കേസെടുത്ത പോലീസ് അന്വേഷണം തുടങ്ങി.

About The Author

Kannurvarthakal

See author's posts