കേരളത്തിൽ മാറ്റം വന്നുകഴിഞ്ഞു, ഇത് പുതിയ തുടക്കം; തിരുവനന്തപുരത്ത് ആവേശം വിതറി പ്രധാനമന്ത്രി നരേന്ദ്ര മോദി -

Spread the love

തിരുവനന്തപുരം: കേരളത്തിനും തിരുവനന്തപുരത്തിനും നന്ദി പറഞ്ഞ് പ്രധാനമന്ത്രി നരേന്ദ്ര മോദി. തിരുവനന്തപുരം കോർപ്പറേഷനിൽ ബിജെപി നേടിയ വിജയം സാധാരണ വിജയമല്ലെന്നും എൽഡിഎഫ്-യുഡിഎഫ് മുന്നണികളുടെ അഴിമതിയിൽ നിന്നുള്ള മോചനമാണെന്നും അദ്ദേഹം പറഞ്ഞു. പുത്തരിക്കണ്ടം മൈതാനിയിൽ ബിജെപി സംഘടിപ്പിച്ച പരിപാടിയിൽ സംസാരിക്കുകയായിരുന്നു മോദി.

മോദിയുടെ പ്രസംഗത്തിലെ പ്രധാന പോയിന്റുകൾ:

• ഗുജറാത്ത് മോഡൽ കേരളത്തിലും: “1987-ൽ അഹമ്മദാബാദ് മുനിസിപ്പാലിറ്റി പിടിച്ചാണ് ഗുജറാത്തിൽ ബിജെപി വിജയഗാഥ തുടങ്ങിയത്. ഇന്ന് തിരുവനന്തപുരം കോർപ്പറേഷൻ പിടിച്ചു. ഇനി കേരളം ബിജെപി ഭരിക്കും. ഇത് മോദിയുടെ ഗ്യാരന്റിയാണ്.”

• വികസനത്തിന്റെ മൂന്നാം പക്ഷം: കേരളത്തെ ഇത്രകാലം എൽഡിഎഫും യുഡിഎഫും ചേർന്ന് നശിപ്പിച്ചു. ഇനി വികസനത്തിന്റെ മൂന്നാം പക്ഷം വരും. ത്രിപുരയിൽ സിപിഎമ്മിന്റെ അടയാളം പോലും ഇല്ലാതായ പോലെ കേരളത്തിലും മാറ്റം വരും.

• അഴിമതിക്കെതിരെ കർശന നടപടി: കേരളത്തിലെ സ്വർണ്ണക്കള്ളക്കടത്ത് പ്രതികളെ ബിജെപി സർക്കാർ ജയിലിലടയ്ക്കും. സഹകരണ ബാങ്കുകളെ കൊള്ളയടിച്ചവർക്കെതിരെയും നടപടിയുണ്ടാകും.

• കോൺഗ്രസിനും ലീഗിനുമെതിരെ വിമർശനം: കോൺഗ്രസിൽ ഇപ്പോൾ മുസ്ലീം ലീഗിലേക്കാൾ വർഗീയവാദികളാണെന്നും മുസ്ലീം ലീഗിന്റെ അജണ്ടയാണ് കോൺഗ്രസ് നടപ്പാക്കുന്നതെന്നും മോദി ആരോപിച്ചു.

വമ്പൻ പ്രഖ്യാപനങ്ങളില്ലാതെ മടക്കം:

അതിവേഗ റെയിൽ പാത ഉൾപ്പെടെയുള്ള വമ്പൻ പ്രഖ്യാപനങ്ങൾ പ്രധാനമന്ത്രിയിൽ നിന്ന് ഉണ്ടാകുമെന്ന് പ്രതീക്ഷിച്ചിരുന്നെങ്കിലും രാഷ്ട്രീയ പ്രസംഗത്തിനായിരുന്നു അദ്ദേഹം മുൻഗണന നൽകിയത്. മൂന്ന് അമൃത് ഭാരത് എക്സ്പ്രസ്സുകളുടെ ഫ്ലാഗ് ഓഫും, ശ്രീചിത്രയിലെ പുതിയ സെന്ററിന്റെ തറക്കല്ലിടലും മാത്രമാണ് ഔദ്യോഗിക പരിപാടികളായി നടന്നത്.