ബി സി സി ഐ വുമൺസ് അണ്ടർ 15 എകദിന ടൂർണ്ണമെൻറ് : അർഷിത കേരള ടീമിൽ
ജനുവരി 2 മുതൽ മധ്യപ്രദേശ് ഇൻഡോറിൽ ആരംഭിക്കുന്ന 15 വയസ്സിന് താഴെയുള്ള ബി സി സി ഐ വുമൺസ് അണ്ടർ 15 എകദിന ടൂർണ്ണമെൻറിനുള്ള കേരള ടീമിലേക്ക് കണ്ണൂർ അലവിൽ സ്വദേശിയായ അർഷിത പി വി തെരഞ്ഞെടുക്കപ്പെട്ടു.
എലൈറ്റ് ഗ്രൂപ്പ് ഇ യിൽ ജനുവരി 2 ന് കേരളം മുംബൈയുമായും, 4 ന് പോണ്ടിച്ചേരിയുമായും ,6 ന് ചത്തീസ്ഗഡുമായും, 8 ന് ചാണ്ഡിഗഡുമായും , 10 ന് ഹരിയാനയുമായും കേരളം ഏറ്റുമുട്ടും.ഇവാന ഷാനിയാണ് കേരള ക്യാപ്റ്റൻ.
അണ്ടർ 15 , അണ്ടർ 19 , അണ്ടർ 23 വിഭാഗങ്ങളിൽ കണ്ണൂർ ജില്ലയെ പ്രതിനിധീകരിച്ചിട്ടുണ്ട്.നിലവിൽ അണ്ടർ 15 കണ്ണൂർ ജില്ല ടീം ക്യാപ്റ്റനാണ്.അലവിൽ പൂങ്കാവനത്തിൽ പി വി അജിത്ത് കുമാറിൻറേയും ടി ഷോബിനിയുടേയും മകളായ അർഷിത അഴീക്കോട് ഗവൺമെൻറ് ഹയർ സെക്കണ്ടറി സ്കൂൾ ഒമ്പതാം തരം വിദ്യാർത്ഥിയാണ്.
About The Author
