70 ലിറ്റർവാഷ് പിടികൂടി
പയ്യന്നൂർ: ക്രിസ്മസ്- ന്യൂഇയർ ആഘോഷത്തിൻ്റെ മറവിൽ വ്യാജ മദ്യ നിർമ്മാണവും വില്പനയും നടക്കുന്നുണ്ടെന്ന രഹസ്യവിവരത്തെ തുടർന്ന് എക്സൈസ് സംഘം നടത്തിയ റെയ്ഡിൽ 70 ലിറ്റർ വാഷ് പിടികൂടി. രാമന്തളി , കരമുട്ടം , ചിറ്റടി ഭാഗങ്ങളിൽ പയ്യന്നൂർ റേഞ്ച് എക്സൈസ് ഇൻസ്പെക്ടർ കെ.ദിനേശൻ്റെ നേതൃത്വത്തിൽ നടത്തിയ റെയ്ഡിലാണ് ചിറ്റടിയിൽ റോഡരികിലെ കുറ്റിക്കാട്ടിൽ ഒളിപ്പിച്ചു വെച്ച നിലയിൽ ചാരായം വാറ്റാൻ പാകപ്പെടുത്തിയ ബാരലിലും ബക്കറ്റിലും സൂക്ഷിച്ച 70 ലിറ്റർ വാഷ് പിടികൂടിയത്. റെയ്ഡിൽ അസി. എക്സൈസ് ഇൻസ്പെക്ടർ ഗ്രേഡ്മാരായ ടി.വി. കമലാക്ഷൻ, എം പി സുരേഷ് ബാബു, പ്രിവൻ്റീവ് ഓഫീസർ വി.കെ. വിനോദ്, ഗ്രേഡ് പ്രിവൻ്റീവ് ഓഫീസർ ടി.വി. വിനേഷ് എന്നിവരും ഉണ്ടായിരുന്നു.
About The Author
