കാങ്കോലും പരിസരത്തും വ്യാപക മോട്ടോർ മോഷണം
കാങ്കോൽ : നാട്ടുകാരുടെ ഉറക്കം കെടുത്തി മോഷ്ടാക്കൾ വിലസുന്നു .കാങ്കോൽ, കുണ്ടയം ക്കൊവ്വൽ , വലിയചാൽ , കാളീ ശ്വരം ഭാഗങ്ങളിൽ പരക്കെ കുടിവെള്ള മോട്ടോറുകളും കാർഷികാവശ്യത്തിനുള്ള മോട്ടോറുകളും വ്യാപകമായി മോഷണം പോയി.
കഴിഞ്ഞ ദിവസം രാത്രി വലിയചാൽ റോഡിലുള്ള കുഞ്ഞിരാമൻ നമ്പ്യാരുടെ വീട്ടു പറമ്പിൽ നിന്ന് കുടി വെള്ളമായും കൃഷി ആവശ്യത്തിനുമായി ഉപയോഗിക്കുന്ന കുഴൽ കിണറിലെ
ഒന്നര എച്ച്പി മോട്ടോറും കേബിളും പൈപ്പും ഉൾപ്പെടെ
മോഷണം പോയി.വീട്ടു ടമ എറണാകുളത്ത് പോയ സമയത്താണ് മോഷണം നടന്നത്.
കാളീശ്വരത്തെ ശശി മാസ്റ്ററുടെ കാർഷിക ആവശ്യത്തിനായി ഉപയോഗിക്കുന്ന പമ്പ് ഹൗസിന്റെ വാതിൽ തകർത്ത് മോഷ്ടാവ്
മോട്ടോർ കടത്തി കൊണ്ട് പോയി.
രണ്ടു മാസത്തിനിടയിൽ കാങ്കോൽ,
കരിങ്കുഴി ഭാഗത്ത് നിന്നുമായി ഏഴോളം
മോട്ടോറുകളാണ് ഇത്തരത്തിൽ മോഷണം പോയത്. ഉടമകൾ
പെരിങ്ങോം പോലീസിൽ പരാതി നൽകി. മോഷണത്തിന് തടയിടാൻ നാട്ടുകാരിൽ പലരും നിരീക്ഷണ ക്യാമറകൾ സ്ഥാപിച്ചു തുടങ്ങിയിട്ടുണ്ടെങ്കിലും മോട്ടോർ മോഷണത്തിന് കുറവില്ല. മോട്ടോർ മോഷ്ടാക്കളെ കൊണ്ട് പൊറുതിമുട്ടിയ സാഹചര്യത്തിൽ
രാത്രികാലങ്ങളിൽ ശക്തമായ പട്രോളിംഗ് പോലീസ് അധികൃതരുടെ ഭാഗത്തുനിന്നും ഉണ്ടാകണമെന്ന് നാട്ടുകാർ ആവശ്യപ്പെടുന്നു.
About The Author
