ദർശിതയുടെ മുഖം വികൃതമായ നിലയിൽ, മുറിയിൽ രക്തം; ലോഡ്ജിലേക്ക് പോയത് മകളെ സ്വന്തംവീട്ടിലാക്കിയശേഷം
ഇരിക്കൂർ: കല്യാട്ട് 30 പവൻ സ്വർണവും അഞ്ചുലക്ഷം രൂപയും മോഷണം പോയ വീട്ടിലെ യുവതി കർണാടക സാലിഗ്രാമത്തിലെ ലോഡ്ജ് മുറിയിൽ കൊല്ലപ്പെട്ട നിലയിൽ കണ്ടെത്തി. പുള്ളിവേട്ടയ്ക്കൊരുമകൻ ക്ഷേത്രത്തിന് സമീപം താമസിക്കുന്ന കെ.സി. സുമതയുടെ മകൻ സുഭാഷിന്റെ ഭാര്യ ദർശിത (22) ആണ് കൊല്ലപ്പെട്ടത്. ഇവർക്കൊപ്പം ഉണ്ടായിരുന്ന സുഹൃത്തിനെ കർണാടക പോലീസ് കസ്റ്റഡിയിലെടുത്തിട്ടുണ്ട്.
ഞായറാഴ്ച ഉച്ചയോടെയാണ് ഇരിക്കൂർ പോലീസിന് സംഭവം വിവരം ലഭിച്ചത്. വെള്ളിയാഴ്ച പകലാണ് കല്യാട്ടിലെ വീട്ടിൽ മോഷണം നടന്നത്. വീട്ടിലെ മുതിർന്നവർ ജോലിക്കുപോയിരിക്കുമ്പോഴായിരുന്നു സംഭവം. വിദേശത്തുള്ള ഭർത്താവ് സുഭാഷിന്റെ അഭാവത്തിൽ, ദർശിത രണ്ടരവയസ്സുള്ള മകളുമായി സ്വന്തം നാടായ ഹുൻസൂരിലേക്ക് പോയിരുന്നു. പിന്നീട് മകളെ വീട്ടിൽ വെച്ചുവിട്ട് സുഹൃത്തിനൊപ്പം സാലിഗ്രാമിലേക്ക് പോയെന്നാണ് വിവരം.
ഞായറാഴ്ച ഉച്ചയ്ക്ക് ലോഡ്ജ് മുറിയിൽ രക്തത്തിൽ മുക്കി കിടക്കുന്ന നിലയിലാണ് ദർശിതയുടെ മൃതദേഹം കണ്ടെത്തിയത്. മുഖം വികൃതമായ നിലയിലായിരുന്നു.
സുഹൃത്തിന്റെ മൊഴി: കൊലപാതകത്തിൽ പങ്കില്ലെന്നാണ് ഇയാൾ പൊലീസിനോട് പറഞ്ഞത്. “രാവിലെ ഒന്നിച്ച് ക്ഷേത്രത്തിൽ പോയി, തുടർന്ന് ലോഡ്ജിൽ മുറിയെടുത്തു. ഭക്ഷണം വാങ്ങാൻ പുറത്തുപോയപ്പോൾ തിരികെ വന്നപ്പോൾ വാതിൽ തുറന്നില്ല. ജീവനക്കാരെ വിളിച്ച് വാതിൽ പൊളിച്ചപ്പോൾ മരിച്ച നിലയിൽ കണ്ടു” എന്നാണ് വിശദീകരണം. എന്നാൽ, കൊലപാതകത്തിലും കല്യാട്ടിലെ മോഷണത്തിലും ഇയാൾക്കു ബന്ധമുണ്ടെന്നതാണ് പോലീസിന്റെ സംശയം.
ഇരിട്ടി ഡിവൈഎസ്പി പി.കെ. ധനഞ്ജയബാബു, കരിക്കോട്ടക്കരി ഇൻസ്പെക്ടർ കെ.ജെ. വിനോയ് എന്നിവരുടെ നേതൃത്വത്തിലുള്ള സംഘം കർണാടകയിൽ അന്വേഷണം ആരംഭിച്ചു.
About The Author
