പയ്യന്നൂരിൽ എക്സൈസിൻ്റെ വൻ സ്പിരിറ്റ് വേട്ട ,ഒരാൾ പിടിയിൽ
ഓപ്പറേഷൻ തണ്ടറിൻ്റെ ഭാഗമായി എക്സൈസ് നടത്തിവരുന്ന ഓണാഘോഷ സ്പെഷൽ ഡ്രൈവ് വാഹന പരിശോധനക്കിടയിൽ ബഹു: കണ്ണൂർ അസി:എക്സൈസ് കമ്മീഷണറിൽ നിന്നും ലഭിച്ച വിവരത്തിൻ്റെ അടിസ്ഥാനത്തിൽ പയ്യന്നൂർ പെരുമ്പയിൽ നിന്നും രാത്രി 12.15 ഓടെ TATA ഗുഡ്സ് കാരിയർ ലോറിയിൽ കടത്തുകയായിരുന്ന 7000 ലിറ്റർ സ്പിരിറ്റ് പിടിച്ചു. ഉമിച്ചാക്കുകൾ കൊണ്ട് മൂടിയ നിലയിൽ 35 ലിറ്ററിൻ്റെ 200 കന്നാസുകളിലായി സ്പിരിറ്റ് കടത്തുകയായിരുന്ന പത്തനംതിട്ട സ്വദേശി അഖിൽ കൃഷ്ണൻ ആർ (വ:28/26) ആണ് അറസ്റ്റിലായത്. പ്രതിയെ ജുഡീഷ്യൽ ഒന്നാം ക്ലാസ്സ് മജിസ്ട്രേറ്റ് കോടതി പയ്യന്നൂർ മുമ്പാകെ ഹാജരാക്കും. ഹുബ്ലിയിൽ നിന്നും കൊടുങ്ങല്ലൂരിലേക്ക് ആണ് വാഹനം പോകുന്നത് എന്ന് പ്രാഥമിക ചോദ്യം ചെയ്യലിൽ ടിയാൻ സമ്മതിച്ചിട്ടുണ്ട് തുടർ അന്വേഷണത്തിൽ വരും ദിവസങ്ങളിൽ കൂടുതൽ പ്രതികളുടെ അറസ്റ്റ് ഉണ്ടാകാൻ സാധ്യതയുണ്ട്. പയ്യന്നൂർ എക്സൈസ് ഇൻസ്പെക്ടർ എൻ. വൈശാഖിൻ്റെ നേതൃത്വത്തിൽ നടന്ന സ്പിരിറ്റ് വേട്ടയിൽ അസി: എക്സൈസ് ഇൻസ്പെക്ടർ മധുസൂദനൻ കെ.പി, ഗ്രേഡ് അസി: ഇൻസ്പെക്ടർമാരായ വിനോദ്. വി കെ . കമലാക്ഷൻ ടി.വി, ശ്രീനിവാസൻ പി .വി, സുരേഷ് ബാബു. എം പി, പ്രിവൻ്റീവ് ഓഫീസർ വിനേഷ് ടി .വി, സിവിൽ എക്സൈസ് ഓഫീസർമാരായ സന്തോഷ് കെ.വി ,സൂരജ് പി , സജിൻ എവി, സബീഷ്. ഇപി , ജയേഷ് പി.വി, ഡ്രൈവർ അജിത്ത് പി വി എന്നിവരും ഉണ്ടായിരുന്നു.
About The Author
