പരിയാരം ദന്തൽ കോളേജ് പിടിച്ചെടുത്ത് യു ഡി എസ് എഫ്
പരിയാരം: മെഡിക്കൽ കോളേജ് യൂണിയൻ തിരഞ്ഞെടുപ്പിൽ എസ്.എഫ്.ഐയുടെ കുത്തക തകർത്ത് കെ.എസ്.യു – എം.എസ്.എഫ് (യു.ഡി.എസ്.എഫ്) സഖ്യത്തിന് ചരിത്രവിജയം. പരിയാരം ഗവ. മെഡിക്കൽ കോളേജിലും ദന്തൽ കോളേജിലും യൂണിയൻ ഭരണം പിടിച്ചെടുത്താണ് വിദ്യാർത്ഥി മുന്നണി തങ്ങളുടെ ആധിപത്യം ഉറപ്പിച്ചത്.
തിരഞ്ഞെടുപ്പ് ഫലങ്ങൾ:
പരിയാരം ദന്തൽ മെഡിക്കൽ കോളേജ്: ചരിത്രത്തിൽ ആദ്യമായി ഒൻപതിൽ എട്ട് മേജർ സീറ്റുകളും സ്വന്തമാക്കിയാണ് യു.ഡി.എസ്.എഫ് എസ്.എഫ്.ഐയിൽ നിന്ന് യൂണിയൻ പിടിച്ചെടുത്തത്. ഫൈൻ ആർട്സ് ഒഴികെയുള്ള മുഴുവൻ മേജർ സീറ്റുകളിലും മുന്നണി വിജയിച്ചു.
പരിയാരം ഗവ. മെഡിക്കൽ കോളേജ്: ചെയർപേഴ്സൺ സ്ഥാനം ഉൾപ്പെടെ അഞ്ച് പ്രധാന മേജർ സീറ്റുകളിൽ കെ.എസ്.യു – എം.എസ്.എഫ് സഖ്യം വിജയിച്ചു.
നഴ്സിംഗ് കോളേജുകൾ: പാലയാട് എസ്.ഐ.എം.ഇ.ടി (SIMET) നഴ്സിംഗ് കോളേജിലും, തളിപ്പറമ്പ് നാടുകാണി നഴ്സിംഗ് കോളേജിലും ചരിത്രത്തിൽ ആദ്യമായി കെ.എസ്.യുവിന്റെ വിദ്യാർത്ഥി പ്രതിനിധികൾ വിജയിച്ചു. നാടുകാണിയിൽ ഫിദ സജിത്ത് (ജനറൽ സെക്രട്ടറി) ആയും, പാലയാട് റിയ ബിജു (ഫൈൻ ആർട്സ് സെക്രട്ടറി) ആയും തിരഞ്ഞെടുക്കപ്പെട്ടു.
About The Author
