സാമ്പത്തിക ഇടപാട്:യുവാവിനെ രണ്ടു കാറുകളിലെത്തിയ 15അംഗ സംഘം തട്ടികൊണ്ടുപോയി
കണ്ണപുരം: ചെറുകുന്ന് സ്വദേശിയായ യുവാവിനെ രണ്ടു കാറുകളിലായി എത്തിയ 15 അംഗ സംഘം തട്ടിക്കൊണ്ടുപോയ സംഭവത്തിൽ പരാതിയിൽ പോലീസ് കേസെടുത്തു. ചെറുകുന്ന് പോസ്റ്റോഫീസിന് സമീപത്തെ ദീപക്കിനെയാണ് സംഘം തട്ടിക്കൊണ്ടുപോയത്. ഇന്നലെ ഉച്ചയ്ക്ക് 12.30 മണിയോടെ ചെറുകുന്നിലെ ചായക്കടയിൽ ഇരിക്കവേയാണ് കെ എൽ. 55.എ.എൽ. 4324,കെ.എൽ. 58.എ.സി. 6300 എന്നീ കാറുകളിലെത്തിയ സംഘം കണ്ണൂർ ഭാഗത്തേക്ക് തട്ടിക്കൊണ്ടുപോയത്. തുടർന്ന് സുഹൃത്ത് ചെറുകുന്ന് പോസ്റ്റോഫീസിന് സമീപത്തെ ടി.വി. അരുൺ കണ്ണപുരം പോലീസിൽ പരാതി നൽകി. സാമ്പത്തിക ഇടപാടാണ് സംഭവത്തിന് കാരണമെന്ന് പരാതിയിൽ പറയുന്നു.കേസെടുത്ത പോലീസ് അന്വേഷണം തുടങ്ങി.
About The Author
