കരിവെള്ളൂരിൽ ബി.ജെ.പി പ്രവർത്തകന്റെ സ്കൂട്ടർ കത്തിച്ച നിലയിൽ
പയ്യന്നൂർ. കരിവെള്ളൂർ കുണിയനിൽബി ജെ പി പ്രവർത്തകനും നിർമ്മാണ തൊഴിലാളിയുമായ യുവാവിൻ്റെ സ്കൂട്ടർ കത്തിച്ചു. കുണിയൻ പടിഞ്ഞാറേക്കര വായനശാലയ്ക്കു സമീപത്തെ
ചൂരിക്കാടൻ രവിയുടെ സ്കൂട്ടർ ആണ് കത്തിച്ചനിലയിൽ വീടിനു സമീപം റോഡിൽ കണ്ടെത്തിയത് .ഇന്നലെ രാത്രിയിലാണ് സംഭവം. രാവിലെയാണ് നാട്ടുകാർ സ്കൂട്ടർ കത്തിച്ച നിലയിൽ കണ്ടെത്തിയത്. തീ പടർന്ന്സമീപത്ത് സ്ഥാപിച്ച തറവാടിൻ്റെ ബോർഡും കത്തിനശിച്ച നിലയിലാണ്. തുടർന്ന് പയ്യന്നൂർ പോലീസിൽ പരാതി നൽകി.
രണ്ടു ദിവസം മുമ്പ് പുഴക്കര ക്ഷേത്രത്തിന് സമീപംവെച്ച് രവിക്കും കൂട്ടുകാരനും മർദ്ദനമേറ്റ സംഭവമുണ്ടായിരുന്നു. ഇതിനു പിന്നാലെയാണ് വാഹനം അഗ്നിക്കിരയാക്കിയതെന്നാണ് പ്രാഥമിക നിഗമനം.
About The Author
