ചപ്പാരപ്പടവിൽ ബേക്കറികത്തി നശിച്ചു; അഞ്ച് ലക്ഷത്തിൻ്റെ നാശനഷ്‌ടം
തളിപ്പറമ്പ: തീപിടുത്തത്തിൽ ചപ്പാരപ്പടവ് ടൗണിലെ ബേക്കറി പൂർണ്ണമായുംകത്തി നശിച്ചു. ചപ്പാരപ്പടവ് ഞണ്ടമ്പലത്തെ അബൂബക്കറിന്റെ ഉടമസ്ഥതയിലുള്ള മസാഫി ബേക്കറിയാണ് കത്തിനശിച്ചത്. ഇന്ന് പുലർച്ചെയാണ് സംഭവം. അഞ്ചുമണിയോടെ പള്ളിയിൽ നമസ്‌കാരത്തിനു പോകുന്നവരാണ് ബേക്കറിയിൽ നിന്നും തീയും പുകയും കണ്ടത് . തുടർന്ന് തളിപ്പറമ്പ് ഫയർ സ്റ്റേഷനിൽ വിവരമറിയിക്കുകയായിരുന്നു. സ്ഥലത്തെത്തിയ സ്റ്റേഷൻ ഓഫീസർ ഇൻ ചാർജ് കെ. സുനിൽകുമാറിന്റെ നേതൃത്വത്തിലെ ത്തിയ അഗ്നിരക്ഷാസേന തീയണച്ചു. ബേക്കറി പൂർണ്ണമായും കത്തിനശിച്ചു. അഞ്ചുലക്ഷം രൂപയുടെനഷ്‌ടം കണക്കാക്കുന്നു. ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം.
ഷോർട്ട് സർക്യൂട്ടാണ് തീപിടുത്തത്തിന് കാരണമെനാണ് പ്രാഥമിക നിഗമനം. ചപ്പാരപ്പടവിലെ പി.സി. പിഅലീമയുടെതാണ് കെട്ടിടം.
ഫയർഫോഴ്‌സ് സംഘത്തിൽ സീനിയർ ഫയർ ആൻഡ് റെസ്ക്യു ഓഫീസർ സി. പി. ഷാജിമോൻ, ഫയർ ആൻഡ് റെസ്ക്യു ഓഫീസർമാരായ പി. വി. ഗിരീഷ്, പി. വി. ലിഗേഷ്, കെ. ധനേഷ്, വിഷ്ണു രവീന്ദ്രൻ, ഹോം ഗാർഡ് കെ. പുരുഷോത്തമൻ എന്നിവരും
ഉണ്ടായിരുന്നു.
About The Author
