അഴീക്കൽ ഹാർബറിൽ കാൽതെന്നി പുഴയിൽ വീണ് മത്സ്യത്തൊഴിലാളി മരിച്ചു
കണ്ണൂർ: അഴീക്കൽ ഫിഷിങ്ങ് ഹാർബറിൽ നിർത്തിയിട്ട ബോട്ടിൽ നിന്നും കാൽതെന്നി പുഴയിൽ വീണ് മത്സ്യത്തൊഴിലാളി മരിച്ചു. തമിഴ്നാട് രാമേശ്വരം സ്വദേശി പാണ്ഡ്യൻ ആണ് മരിച്ചത്. ഇന്നലെ രാത്രി പത്തരയോടെയായിരുന്നു അപകടം. ജോലി ചെയ്യുന്ന ബോട്ടിൽ നിന്നും പ്ലാറ്റ്ഫോമിലേക്ക് നടന്നു കയറുന്നതിനിടെ അബദ്ധത്തിൽ കാൽതെന്നി വീഴുകയായിരുന്നു.
തിങ്കളാഴ്ച മത്സ്യബന്ധനം കഴിഞ്ഞ് ഹാർബറിലെത്തി വാർഫിനോട് ചേർന്ന് ബോട്ട് നിർത്തിയിട്ടതായിരുന്നു. അപകടം നടന്നയുടനെ അഗ്നിശമന സേനയും മത്സ്യത്തൊഴിലാളികളും തീരദേശ പോലീസും ചേർന്ന് നടത്തിയ തിരച്ചിലിൽ അര മണിക്കൂറിനു ശേഷമാണ് മൃതദേഹം കണ്ടെത്താനായത്. മൃതദേഹം തുടർനടപടികൾക്കായി കണ്ണൂർ ജില്ലാ ആശുപത്രി മോർച്ചറിയിലേക്ക് മാറ്റി.
About The Author
