പോക്സോ കേസിൽ പ്രതി അറസ്റ്റിൽ
പയ്യന്നൂർ: പ്രായപൂർത്തിയാകാത്ത പെൺകുട്ടിയെ കടന്നു പിടിച്ചു പീഡിപ്പിക്കാൻ ശ്രമിച്ചുവെന്ന പരാതിയിൽ മധ്യവയസ്കനെ പോക്സോ കേസിൽ പോലീസ് അറസ്റ്റു ചെയ്തു. കണ്ടോത്ത് കിഴക്കേ കൊവ്വലിലെ പൈതലേയൻ സുകുമാരനെ (51) യാണ് പോലീസ് ഇൻസ്പെക്ടർ മഹേഷ് കെ നായർ അറസ്റ്റു ചെയ്തത്. സ്റ്റേഷൻ പരിധിയിൽ താമസിക്കുന്ന പ്രായപൂർത്തിയാകാത്ത പെൺകുട്ടിയെയാണ് പ്രതി പീഡിപ്പിക്കാൻ ശ്രമിച്ചത്. ഈ മാസം 9 ന് പകലായിരുന്നു പരാതിക്കാസ്പദമായ സംഭവം നടന്നത്. തുടർന്ന് പോലീസിൽ പരാതി നൽകി. കേസെടുത്ത പയ്യന്നൂർ പോലീസ് അന്വേഷണത്തിൽ പ്രതിയെ പിടികൂടി അറസ്റ്റു ചെയ്തു. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
About The Author
