വിസവാഗ്ദാനം നൽകി പണം വാങ്ങി വഞ്ചിച്ച രണ്ടുപേർക്കെതിരെ കേസ്
പരിയാരം : ഒമാനിലെ ബിവറേജിൽ ജോലിക്കുള്ള വിസ ശരിയാക്കി തരാമെന്ന് വിശ്വസിപ്പിച്ച് യുവാക്കളിൽ നിന്നും പണം വാങ്ങി വഞ്ചിച്ച രണ്ടു പേർക്കെതിരെ പരാതിയിൽ പരിയാരം പോലീസ് കേസെടുത്തു. പരിയാരം ഏഴും വയൽ കൊളങ്കോട് സ്വദേശി ടി . അരുണിൻ്റെ (26) പരാതിയിലാണ് മാനന്തവാടിയിലെ അർജുൻ സുനിൽ, ലത സുനിൽ എന്നിവർക്കെതിരെ പരിയാരം പോലീസ് കേസെടുത്തത്. വിസ വാഗ്ദാനം നൽകി പരാതിക്കാരനിൽ നിന്നും സുഹൃത്തുക്കളിൽ നിന്നും2025 ഏപ്രിൽ മാസം 75,000 രൂപ വീതം കൈപ്പറ്റിയ ശേഷം വിസയോ നൽകിയപണമോ തിരിച്ചു നൽകാതെ വഞ്ചിച്ചുവെന്ന പരാതിയിലാണ് പോലീസ് കേസെടുത്തത്.
About The Author
