വിജയോത്സവം 2026: എസ്.എസ്.എൽ.സി., പ്ലസ് ടു ഉന്നത വിജയികളെ ആദരിച്ചു; ഉദ്ഘാടനം വി. ശിവദാസൻ എം.പി നിർവഹിച്ചു
Screenshot
ഇരിട്ടി: എസ്.എസ്.എൽ.സി., പ്ലസ് ടു പരീക്ഷകളിൽ ഉന്നതവിജയം കരസ്ഥമാക്കിയ ഇരിട്ടി, മട്ടന്നൂർ ഉപജില്ലകളിലെ വിദ്യാർത്ഥികളെ ജില്ലാ പഞ്ചായത്തിന്റെ നേതൃത്വത്തിൽ സംഘടിപ്പിച്ച ‘വിജയോത്സവം’ ചടങ്ങിൽ ആദരിച്ചു. ഇരിട്ടി തന്തോട് പരിഷ് ഹാളിൽ വെച്ച് നടന്ന പരിപാടി വി. ശിവദാസൻ എം.പി. ഉദ്ഘാടനം ചെയ്തു. ഇന്ത്യൻ ഭരണഘടന ഉയർത്തിപ്പിടിക്കുന്ന മൂല്യങ്ങൾ ഉൾക്കൊണ്ട് വിദ്യാർത്ഥികൾ മുന്നേറണമെന്ന് അദ്ദേഹം ഉദ്ഘാടന പ്രസംഗത്തിൽ ഓർമ്മിപ്പിച്ചു.
ഹയർ സെക്കൻഡറി പരീക്ഷയിൽ ഫുൾ എ പ്ലസ് നേടിയവർ, എല്ലാ വിഷയങ്ങളിലും എ പ്ലസ് നേടിയ എസ്.എസ്.എൽ.സി., പ്ലസ് ടു വിദ്യാർത്ഥികൾ, നൂറുശതമാനം വിജയം കൈവരിച്ച വിദ്യാലയങ്ങൾ എന്നിവരെ ചടങ്ങിൽ ആദരിച്ചു. ജില്ലാ പഞ്ചായത്ത് പ്രസിഡന്റ് ബിനോയി കുര്യൻ അധ്യക്ഷത വഹിച്ചു. ഇരിട്ടി നഗരസഭാധ്യക്ഷൻ വി. വിനോദ് കുമാർ, ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബോബി എണ്ണച്ചേരിയിൽ, ഇരിട്ടി ബ്ലോക്ക് പഞ്ചായത്ത് വൈസ് പ്രസിഡന്റ് എം. സുമേഷ് തുടങ്ങിയവർ സംസാരിച്ചു.
About The Author
