എംഡി എം എയുമായി യുവാവ് അറസ്റ്റിൽ

കാഞ്ഞങ്ങാട്: ഓപ്പറേഷൻ തൂഫാൻ്റെ ഭാഗമായി പോലീസ് നടത്തിയ പരിശോധനയിൽ 3. 260 ഗ്രാം എംഡി എം എയുമായി യുവാവിനെ പോലീസ് പിടികൂടി. മടിക്കൈ ചാളക്കടവ് വള്ളിക്കടവ് മുട്ടം കടവിലെ പി. പി. സിറാജിനെ (38) യാണ് ഹൊസ്ദുർഗ് എസ് ഐ ഏ. ആർ. ശാർങധരനും സംഘവും പിടികൂടിയത്. ഇന്നലെ രാത്രി 11.15 മണിക്ക് കാഞ്ഞങ്ങാട് സൗത്തിലെ ബസ് കാത്തിരിപ്പുകേന്ദ്രത്തിനു സമീപം വെച്ചാണ് മാരക ലഹരി മരുന്നായ 3 . 260 ഗ്രാം എംഡി എം എയുമായി യുവാവിനെ പോലീസ് അറസ്റ്റു ചെയ്തത്. പ്രതിയുടെ മൊബൈൽ ഫോൺ പോലീസ് പിടിച്ചെടുത്തു. പോലീസ് സംഘത്തിൽ ഗ്രേഡ് എഎസ്.ഐ ബിജു, സിവിൽ പോലീസ് ഓഫീസർസാനിഷ്, ഡ്രൈവർ രാജേഷ് എന്നിവരും ഉണ്ടായിരുന്നു

About The Author

Kannurvarthakal

See author's posts