കൊട്ടിയൂർ വൈശാഖ മഹോത്സവം: മൂന്നാമത്തെ ആരാധനാപൂജയായ ‘രേവതി ആരാധന’ ഇന്ന്
Screenshot
കൊട്ടിയൂർ: കൊട്ടിയൂർ വൈശാഖ മഹോത്സവത്തിലെ മൂന്നാമത്തെ ആരാധനാപൂജയായ ‘രേവതി ആരാധന’ ഇന്ന് അക്കരെ സന്നിധിയിൽ നടക്കും. ആരാധനാ പൂജയുടെ ഭാഗമായി ഉച്ചശീവേലിക്ക് മണിത്തറയിലെ സ്വർണം, വെള്ളി പാത്രങ്ങളും വിളക്കുകളും എഴുന്നള്ളിക്കുന്ന വിശേഷപ്പെട്ട ‘പൊന്നിൻ ശീവേലി’ നടക്കും. ഉച്ചയ്ക്ക് ആരാധനാ സദ്യയും, സന്ധ്യയ്ക്ക് പെരുമാൾക്ക് പഞ്ചഗവ്യം ഉപയോഗിച്ച് നവകത്തോടെയുള്ള പാലമൃത് അഭിഷേകവും നടക്കും. ഉത്സവത്തിന്റെ സമാപനത്തോടടുക്കുന്ന അവസാനത്തെ ആരാധനാപൂജയായ ‘രോഹിണി ആരാധന’ ജൂൺ 14-ന് നടക്കും.
ഇളനീരാട്ടത്തിന് ശേഷവും ഭക്തജനപ്രവാഹം തുടരുകയാണ്. ഇതര സംസ്ഥാനങ്ങളിൽ നിന്നുള്ള തീർത്ഥാടകരുടെ തിരക്കാണ് നിലവിൽ കൊട്ടിയൂരിലുള്ളത്. ഭക്തജനത്തിരക്ക് കണക്കിലെടുത്ത് മണിക്കൂറുകളോളം ക്യൂ നിൽക്കേണ്ട സാഹചര്യമുണ്ടെങ്കിലും, വിപുലമായ പാർക്കിംഗ് സൗകര്യങ്ങൾ ഒരുക്കിയതിനാൽ ഗതാഗതക്കുരുക്കില്ലാതെ തീർത്ഥാടകർക്ക് മടങ്ങിപ്പോകാൻ സാധിക്കുന്നുണ്ടെന്ന് ദേവസ്വം അറിയിച്ചു.
About The Author
