അക്രമ കേസിൽ ലീഗ് പ്രവർത്തകൻ അറസ്റ്റിൽ
തളിപ്പറമ്പ്: തദ്ദേശ തിരഞ്ഞെടുപ്പ് ദിവസം
എല്.ഡി.എഫ് പ്രവര്ത്തകരെ ആക്രമിച്ച് അപായപ്പെടുത്താൻ ശ്രമിച്ച കേസിൽ മുസ്ലീംലീഗ് പ്രവര്ത്തകന് അറസ്റ്റിൽ. രാജ രാജേശ്വര ക്ഷേത്രത്തിന് സമീപം താമസിക്കുന്ന സി.പി.നൗഫലിനെ (40)യാണ് എസ്.ഐ. കെ.ദിനേശനും സംഘവും അറസ്റ്റ് ചെയ്തത്. തദ്ദേശ
തിരഞ്ഞെടുപ്പ് ദിവസം വൈകുന്നേരം 5.30 മണിക്കായിരുന്നു സംഭവം. ചിറവക്ക്
അക്കിപ്പറമ്പ് യു.പി സ്ക്കൂളില് രണ്ടാം വാര്ഡ് ബൂത്തില്വോട്ടർമാർ അല്ലാത്ത യു.ഡി.എഫ് പ്രവര്ത്തകരെത്തിയത് ചോദ്യം ചെയ്ത വിരോധത്തില് കുപ്പത്തെ സി.അനില്(42), പുഴക്കുളങ്ങരയിലെ പി.വിജേഷ്(38)എന്നിവരെ ആക്രമിച്ച്അപായപ്പെടുത്താൻ ശ്രമിച്ച വധശ്രമകേസിലാണ് പ്രതിയെ അറസ്റ്റു ചെയ്തത്. പോലീസ് കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.അക്രമ കേസിൽ
അഭിലാഷ്, മുസ്തഫ, മന്സൂര്, സുബൈര്, രാധാകൃഷ്ണന് എന്നിവരും കണ്ടാലറിയാവുന്ന മറ്റു നാലുപേരും പ്രതികളാണ്.
About The Author
