സംസ്ഥാന എൻ.എസ്.എസ് പുരസ്കാര നിറവിൽ കുഞ്ഞിമംഗലം ഗവ. ഹയർ സെക്കൻഡറി സ്കൂൾ; വാരിക്കൂട്ടിയത് 4 അവാർഡുകൾ
കുഞ്ഞിമംഗലം: നാഷനൽ സർവീസ് സ്കീം (NSS) സംസ്ഥാനതല പുരസ്കാരങ്ങളിൽ തിളക്കമാർന്ന നേട്ടവുമായി കുഞ്ഞിമംഗലം ഗവ. ഹയർ സെക്കൻഡറി സ്കൂൾ. സംസ്ഥാനത്തെ മികച്ച എൻ.എസ്.എസ് യൂണിറ്റിനുള്ള പുരസ്കാരം ഉൾപ്പെടെ നാല് അവാർഡുകളാണ് സ്കൂളിനെ തേടിയെത്തിയത്.
പ്രധാന പുരസ്കാരങ്ങൾ:
• മികച്ച യൂണിറ്റ്: കുഞ്ഞിമംഗലം ഗവ. ഹയർ സെക്കൻഡറി സ്കൂൾ.
• മികച്ച പ്രോഗ്രാം ഓഫിസർ: സിന്ധു പടോളി.
• മികച്ച വൊളന്റിയർ (സംസ്ഥാനം): വാണി മുരളീധരൻ.
• മികച്ച വൊളന്റിയർ (റീജനൽ തലം): കാർത്തിക് രമേശൻ.
സാമൂഹിക പ്രതിബദ്ധതയുള്ള വിപ്ലവകരമായ പ്രവർത്തനങ്ങളാണ് സ്കൂളിനെ ഈ നേട്ടത്തിന് അർഹമാക്കിയത്. അതിഥിത്തൊഴിലാളി കുടുംബത്തിലെ സഹപാഠിക്കായി വീട് നിർമിച്ചു നൽകിയത് ഏറെ ശ്രദ്ധിക്കപ്പെട്ടിരുന്നു. കൂടാതെ രാമപുരം പുഴയോരത്ത് കണ്ടൽത്തൈകൾ വെച്ചുപിടിപ്പിക്കുകയും സ്കൂളിൽ തന്നെ കണ്ടൽ നഴ്സറി ഒരുക്കുകയും ചെയ്ത് പരിസ്ഥിതി സംരക്ഷണത്തിലും മാതൃകയായി. ലഹരിക്കെതിരെയുള്ള പോരാട്ടത്തിന്റെ ഭാഗമായി വിദ്യാർത്ഥികൾ അവതരിപ്പിച്ച പാവനാടകം നിരവധി വേദികളിൽ ജനശ്രദ്ധ പിടിച്ചുപറ്റിയിരുന്നു. ഈ പ്രവർത്തനങ്ങൾക്കെല്ലാമുള്ള അംഗീകാരമായാണ് ഇപ്പോൾ പുരസ്കാരങ്ങൾ തേടിയെത്തിയിരിക്കുന്നത്.
About The Author
