ചന്ദ്രായനംവാദ്യചന്ദ്രോദയ പുരസ്കാരം കലാമണ്ഡലം ശിവദാസൻ മാരാർക്ക് സമ്മാനിച്ചു
ഹനുമാരമ്പലം :ചെറുതാഴം പഞ്ചവാദ്യം സംഘടിപ്പിച്ച ചന്ദ്രായനം ചെറുതാഴം രാമചന്ദ്ര മാരാർ അനുസ്മരണവും പുരസ്കാര സമർപ്പണവും പത്മശ്രീ മട്ടന്നൂർ ശങ്കരൻകുട്ടി മാരാർ നിർവ്വഹിച്ചു. രാമപുരം രാജുമാരാർ അദ്ധ്യക്ഷനായി. എം. വിജിൻ എം.എൽ.എ. കാസർഗോഡ് ക്രൈം ബ്രാഞ്ച് ഡി.വൈ. എസ്.പി. ടി. ഉത്തംദാസ് എന്നിവർ മുഖ്യാതിഥികളായിരുന്നു. ചെറുതാഴംചന്ദ്രൻ മാരാർ മുഖ്യ പ്രഭാഷണം നടത്തി. ചെറുതാഴത്തെ കുട്ടികളുടെ ചെണ്ടമേളം, കല്ലേക്കുളങ്ങര ആദർശ് കക്കാട് അതുൽ കെ. മാരാർ എന്നിവരുടെ ഇരട്ടത്തായമ്പക, സോപാനസംഗീതം, നന്ദഗോവിന്ദം ഭജൻസ് അവതരിപ്പിച്ച സാന്ദ്രാനന്ദലയം സംഗീത പരിപാടിയുമുണ്ടായിരുന്നു. കലാമണ്ഡലം ശിവദാസൻ മാരാർക്ക് പതിനായിരത്തി ഒന്നു രൂപയും ശില്പവും പ്രശസ്തിപത്രവും അടങ്ങിയ പുരസ്കാരം മട്ടന്നൂർ ശങ്കരൻകുട്ടി മാരാർ സമർപ്പിച്ചു. രാമപുരം രാജേഷ്, ചെറുതാഴം ദാമോദര മാരാർ, പ്രദീപൻ ചെറുതാഴം എന്നിവർ പ്രസംഗിച്ചു.
About The Author
