അരലക്ഷം രൂപയുടെ തേങ്ങയും അടയ്ക്കയും മോഷ്ടിച്ച പ്രതി പിടിയിൽ -

പയ്യന്നൂർ. വീട്ടുപറമ്പിൽ അതിക്രമിച്ച് കയറി അരലക്ഷം രൂപയുടെ തേങ്ങയും അടയ്ക്കയും മോഷ്ടിച്ച പ്രതി പിടിയിൽ . കോറോം കാനായിയിലെ പോത്തേര തമ്പാനെ (46) യാണ് എസ്.ഐ.പി. യദുകൃഷ്ണനും സംഘവും പിടികൂടിയത്. മോഷണ ദൃശ്യം
നിരീക്ഷണ ക്യാമറയിൽ നിന്നും വീട്ടുടമസ്ഥന് ലഭിച്ചിരുന്നു. പിടിയിലായ പ്രതിയെ
മുമ്പ് മറ്റൊരു മോഷണ കേസിൽ പയ്യന്നൂർ പോലീസ് അറസ്റ്റു ചെയ്തു ജയിലിലടച്ചിരുന്നു
ഈ കേസിൽനാല് മാസം മുമ്പാണ് പ്രതി ജയിലിൽ നിന്നിറങ്ങിയത്. ബാംഗ്ലൂരിൽ താമസിക്കുന്ന കോറോം കാനായി നോർത്തിലെ കൈ പ്രത്ത്മീത്തലേ വീട്ടിൽ കനൽ ഗോവിന്ദിന്റെ വീട്ടിലാണ് മോഷണം നടന്നത്. പരാതിക്കാരന്റെ കാനായി നോർത്തിലുള്ള വീട്ടുപറമ്പിൽ പ്രതി അതിക്രമിച്ച് കയറി അരലക്ഷം രൂപ വില വരുന്ന തേങ്ങയും അടയ്ക്കയും ഇക്കഴിഞ്ഞ ആഗസ്റ്റ് അഞ്ചിനു ഉച്ചയ്ക്കും അതിനു മുമ്പുള്ള ഏതോ ദിവസങ്ങളിലും മോഷ്ടിച്ചു കൊണ്ടുപോയെന്നായിരുന്നു പരാതി. മോഷണ ദൃശ്യം വീട്ടിലെ നിരീക്ഷണ ക്യാമറയിൽ കണ്ടെത്തിയിരുന്നു. തുടർന്ന് പരാതിക്കാരൻ ഇ.മെയിൽ വഴി പയ്യന്നൂർ പോലീസിൽ പരാതി നൽകുകയായിരുന്നു കേസെടുത്ത പോലീസ് പ്രതിയെ ഇന്നലെ രാത്രിയോടെ പിടികൂടി.