ഭാര്യയെ ഇരുമ്പ് വടി കൊണ്ട് മർദ്ദിച്ച ഭർത്താവിനെതിരെ കേസ്
ആലക്കോട് : ഭർതൃവീട്ടിൽ താമസിക്കാനെത്തിയ മധ്യവയസ്കയെ തടഞ്ഞുവെച്ച് അശ്ലീലഭാഷയിൽ ചീത്ത വിളിച്ച് ഇരുമ്പ് വടി കൊണ്ട് അടിച്ചു പരിക്കേൽപ്പിച്ചുവെന്ന പരാതിയിൽ പോലീസ് കേസെടുത്തു. പെരിങ്ങോം പെടേനയിലെ 63 കാരിയുടെ പരാതിയിലാണ് ഭർത്താവ് തിമിരി പഞ്ഞിക്കാട്ടെ സുകുമാരനെതിരെ കേസെടുത്തത്. ഇക്കഴിഞ്ഞ 28 ന് ഉച്ചക്ക് 12 മണിക്കും 3.30 മണിക്കുമിടയിലായിരുന്നു സംഭവം. ഭർത്താവുമായി അകന്ന് പഴയങ്ങാടി ശാസ്ത്ര ഷെൽട്ടർ ഹോമിൽ കഴിയുന്നതിനിടെ ഷെൽട്ടർ ഹോമിലെ ജീവനക്കാർക്കൊപ്പം വീട്ടിലെത്തിയപ്പോഴായിരുന്നു സംഭവം. കേസെടുത്ത പോലീസ് അന്വേഷണം തുടങ്ങി.
About The Author
