ആദികടലായി ഡിവിഷനിൽ ‘കൗൺസിലർ മെറിട്ട് അവാർഡ് സംഗമം’; പ്രതിഭകളെ അനുമോദിച്ചു
കണ്ണൂർ: കണ്ണൂർ കോർപ്പറേഷൻ ആദികടലായി ഡിവിഷനിൽ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നതവിജയം നേടിയവരെയും വിവിധ മേഖലകളിൽ കഴിവ് തെളിയിച്ച വിദ്യാർത്ഥികളെയും അനുമോദിച്ചു. ആദികടലായി സീ ഷെൽ ബീച്ച് റിസോർട്ടിൽ വെച്ച് നടന്ന ‘കൗൺസിലർ മെറിട്ട് അവാർഡ് സംഗമം’ കണ്ണൂർ ജില്ലാ കളക്ടർ പി. വിഷ്ണുരാജ് ഐ.എ.എസ് ഉദ്ഘാടനം ചെയ്തു.
ഡിവിഷൻ കൗൺസിലറും കോർപ്പറേഷൻ പൊതുമരാമത്ത് സ്റ്റാൻഡിങ് കമ്മിറ്റി ചെയർമാനുമായ റിജിൽ മാക്കുറ്റി ചടങ്ങിൽ അധ്യക്ഷത വഹിച്ചു. പ്രമുഖ സിനിമാതാരം വിനു മോഹൻ പരിപാടിയിൽ മുഖ്യാതിഥിയായി പങ്കെടുത്തു.
കണ്ണൂർ കോർപ്പറേഷൻ സ്റ്റാൻഡിങ് കമ്മിറ്റി ചെയർപേഴ്സൺമാരായ അഡ്വ. ലിഷ ദീപക്, ശ്രീജ മഠത്തിൽ, ഷമീമ ടീച്ചർ, അഡ്വ. സോന ജയറാം, മഹേഷ് അയാടത്തിൽ എന്നിവർ വിദ്യാർത്ഥികളെ അനുമോദിക്കുകയും ആശംസകൾ അർപ്പിച്ച് സംസാരിക്കുകയും ചെയ്തു.
About The Author
