കണിച്ചാറിൽ കെ.എസ്.ആർ.ടി.സി. ബസും മിനി ലോറിയും കൂട്ടിയിടിച്ചു

കണിച്ചാർ: അയോത്തുംചാൽ അത്തിക്കണ്ടം ഭഗവതിക്ഷേത്രം റോഡിന് സമീപം കെ.എസ്.ആർ.ടി.സി. ബസും ചെങ്കൽ കയറ്റിയ മിനി ലോറിയും കൂട്ടിയിടിച്ച് അപകടം. ചൊവ്വാഴ്ച ഉച്ചയോടെയായിരുന്നു സംഭവം. കൊട്ടിയൂരിൽനിന്ന് പയ്യന്നൂരിലേക്ക് പോകുകയായിരുന്ന കെ.എസ്.ആർ.ടി.സി. ബസും എതിരേവന്ന മിനി ലോറിയുമാണ് കൂട്ടിയിടിച്ചത്.

അപ്രതീക്ഷിതമായി നടന്ന കൂട്ടിയിടിയിൽ വലിയൊരു ദുരന്തമാണ് ഒഴിവായത്. അപകടത്തിൽ ആർക്കും പരിക്കേറ്റിട്ടില്ല എന്നത് ആശ്വാസമായി. കൂട്ടിയിടിയെത്തുടർന്ന് മണത്തണ–കേളകം റോഡിൽ അൽപ്പസമയം ഗതാഗതം തടസ്സപ്പെട്ടു. വിവരം അറിഞ്ഞ് സ്ഥലത്തെത്തിയ പോലീസ്, അപകടത്തിൽപ്പെട്ട വാഹനങ്ങൾ റോഡിൽനിന്ന് മാറ്റി ഗതാഗതം പുനഃസ്ഥാപിച്ചു.

About The Author

Kannurvarthakal

See author's posts