നിക്ഷേപ തട്ടിപ്പ് രണ്ടു പേർക്കെതിരെ കേസ്
ശ്രീകണ്ഠാപുരം : ഉയർന്ന പലിശ വാഗ്ദാനം നൽകി നാലുപേരിൽ നിന്നായി 4, 53,000 രൂപ വാങ്ങി വഞ്ചിച്ച രണ്ടു പേർക്കെതിരെ പോലീസ് കേസെടുത്തു. കൂവേരിയിലെ പി. സുധാകരൻ്റെ (74) പരാതിയിലാണ് ശ്രീകണ്ഠാപുരത്ത് പ്രവർത്തിച്ച മലബാർ മൾട്ടി സ്റ്റേറ്റ് ആഗ്രോ കോ ഓപ്പറേറ്റീവ് സൊസൈറ്റി മാനേജർ ടി. ഷൈമ , പ്രസിഡണ്ട് രാഹുൽ ചക്രപാണി എന്നിവർക്കെതിരെ വഞ്ചനാ കുറ്റത്തിനു കേസെടുത്തത്. പരാതിക്കാരനിൽ നിന്നും നിക്ഷേപ തുകക്ക് കൂടുതൽ പലിശ വാഗ്ദാനം നൽകി 2025 ഫെബ്രവരി 11 നും 13 നു മായി 1, 70,000 രൂപയും ബന്ധുക്കളായ മംഗലശേരിയിലെ ഷിജിൻ, പയ്യന്നൂരിലെ വിഷ്ണു, കൂവേരിയിലെ സുനിത എന്നിവരിൽ നിന്നുമായി പണം സ്വീകരിക്കുകയും ആകെ 4, 53,000 രൂപ കൈക്കലാക്കി പലിശയോ നിക്ഷേപമോ തിരികെ നൽകാതെ വഞ്ചിച്ചുവെന്ന പരാതിയിലാണ് കേസെടുത്തത്.
About The Author
