എസ്.എസ്.എൽ.സി., പ്ലസ് ടു, എൽ.എസ്.എസ്. ഉന്നത വിജയികളെ ആദരിച്ച് കടമ്പൂർ കുഞ്ഞിക്കാട്ടിൽ കൂട്ടായ്മ
കടമ്പൂർ: അറിവിന്റെ ലോകത്ത് തിളക്കമാർന്ന വിജയം കൈവരിച്ച വിദ്യാർത്ഥികളെ ആദരിച്ച് കടമ്പൂർ കുഞ്ഞിക്കാട്ടിൽ കൂട്ടായ്മ. എസ്.എസ്.എൽ.സി., പ്ലസ് ടു, എൽ.എസ്.എസ്. പരീക്ഷകളിൽ ഉന്നത വിജയം കരസ്ഥമാക്കിയ പ്രദേശത്തെ മിടുക്കരായ വിദ്യാർത്ഥികൾക്കായി സംഘടിപ്പിച്ച അനുമോദന സദസ്സ് ആവേശകരമായി.
ബ്ലോക്ക് പഞ്ചായത്ത് മെമ്പർ അക്ഷയ ടി.സി. ഉദ്ഘാടനം നിർവഹിച്ചു. ഉപരിപഠന മേഖലയിൽ പുതിയ ഉയരങ്ങൾ കീഴടക്കാൻ വിദ്യാർത്ഥികൾക്ക് സാധിക്കട്ടെ എന്ന് അവർ ആശംസിച്ചു. ശ്യാമള ടീച്ചർ അധ്യക്ഷത വഹിച്ച ചടങ്ങിൽ സി.ഒ. സതീശൻ സ്വാഗതവും രമേശൻ നന്ദിയും പറഞ്ഞു. സുരേശൻ മാസ്റ്റർ, വിജയൻ എന്നിവർ ആശംസകൾ അർപ്പിച്ചു. വിജയികളായ വിദ്യാർത്ഥികൾക്ക് കൂട്ടായ്മ ഉപഹാരങ്ങൾ വിതരണം ചെയ്തു. രക്ഷിതാക്കളും നാട്ടുകാരും ഉൾപ്പെടെ നിരവധി പേർ ചടങ്ങിൽ സംബന്ധിച്ചു.
About The Author
