‘എന്റെ നാട്’ വാട്സ്ആപ്പ് കൂട്ടായ്മ പഠനോപകരണ വിതരണവും വിജയോത്സവവും സംഘടിപ്പിച്ചു
അലവിൽ: അലവിൽ ‘എന്റെ നാട്’ വാട്സ്ആപ്പ് കൂട്ടായ്മയുടെ നേതൃത്വത്തിൽ വിദ്യാർത്ഥികൾക്കായി പഠനോപകരണ വിതരണവും വിജയോത്സവവും സംഘടിപ്പിച്ചു. ഗ്രൂപ്പ് അംഗങ്ങളുടെ മക്കളായ ആറാം ക്ലാസ് മുതൽ പ്ലസ് ടു വരെയുള്ള വിദ്യാർത്ഥികൾക്കാണ് പഠനോപകരണങ്ങൾ നൽകിയത്. ഇതിനുപുറമെ 2025-26 അധ്യയന വർഷത്തെ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നതവിജയം നേടിയ പ്രതിഭകളെ ചടങ്ങിൽ സ്നേഹാദരം നൽകി അനുമോദിച്ചു.
അലവിൽ നോർത്ത് എൽ.പി സ്കൂളിൽ വെച്ച് നടന്ന ചടങ്ങിൽ നാൽപ്പത്തിയഞ്ചോളം വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തു. വെസ്റ്റേൺ ഇന്ത്യ കോട്ടൺസ് ഡയറക്ടർ നദീറ ഷമീം പരിപാടിയുടെ ഉദ്ഘാടനം നിർവ്വഹിച്ചു.
ഗ്രൂപ്പ് മെമ്പറും അലവിൽ ശാഖ മുസ്ലിം ലീഗ് പ്രസിഡന്റുമായ വി.കെ. മഹ്മൂദ് ചടങ്ങിൽ അധ്യക്ഷത വഹിച്ചു. ഗ്രൂപ്പ് അഡ്മിനും പൊതുപ്രവർത്തകനുമായ റഫീഖ് അഴീക്കോട് സ്വാഗതം ആശംസിച്ചു. ചിറക്കൽ പഞ്ചായത്ത് വാർഡ് മെമ്പർമാരായ സാജിത കെ.പി, വിദ്യ പി.പി, രാജേഷ് കെ.പി, ബ്ലോക്ക് പഞ്ചായത്ത് മെമ്പർ സിതാര പി. എന്നിവർ ചടങ്ങിൽ വിദ്യാർത്ഥികൾക്ക് ആശംസകൾ നേർന്ന് സംസാരിച്ചു. അലവിൽ യൂത്ത് ലീഗ് പ്രസിഡന്റ് ഷിറാസ് വി.കെ പരിപാടിക്ക് നന്ദി രേഖപ്പെടുത്തി.
About The Author
