വീട്ടിൽ കയറി അക്രമം മൂന്ന് പേർക്കെതിരെ കേസ്

പയ്യാവൂർ:വീട്ടിൽ കയറി ജനൽ ഗ്ലാസുകൾ അടിച്ചു തകർക്കുകയും വീടിനടുത്തുള്ള വൈഫൈ കേബിളുകൾ നശിപ്പിച്ച് ചീത്തവിളിച്ച് മർദ്ദിച്ചുവെന്ന പരാതിയിൽ മൂന്നു പേർക്കെതിരെ പോലീസ് കേസെടുത്തു. പയ്യാവൂർ വാതിൽ മടയിലെ എ.എസ്. നിബിൻ്റെ (33) പരാതിയിലാണ് വിജേഷ്, പ്രസാദ്, അരുൺ എന്നിവർക്കെതിരെ പോലീസ് കേസെടുത്തത്. ഈ മാസം 16 ന് വൈകുന്നേരം 5.45 മണിക്കാണ് സംഭവം. പരാതിക്കാരനെ മൂന്നാം പ്രതി ചീത്തവിളിക്കുകയും പിടിച്ചു തള്ളുകയും സുഹൃത്തിനെ കൈകൊണ്ട് അടിക്കുകയും ചെയ്തു. അക്രമം നടത്തിയതിൽ 20,000 രൂപയുടെ നഷ്ടം സംഭവിച്ചുവെന്ന പരാതിയിൽ കേസെടുത്ത പോലീസ് അന്വേഷണം തുടങ്ങി.

About The Author

Kannurvarthakal

See author's posts